فيديو: طرح المئات

يوضح الفيديو طريقة طرح المئات.

٠٣:٠٤

‏نسخة الفيديو النصية

هنتكلّم عن طرح المئات. هنتعلّم إزاي نطرح المئات. هنستعمل حقايق الطرح عشان نطرح المئات. هناخد مثال.

أوجد ناتج طرح: خمسمية ناقص تلتمية.

هنفكّر إزاي. في البداية بما إنه خمسة ناقص تلاتة هيساوي اتنين، يعني أقدر أقول إن خمسمية ناقص تلتمية هيساوي ميتين. باستعمال النماذج خمس مئات ناقص تلات مئات هيتبقّى عندي اتنين مئات زيّ ما هو موضّح قدّامي في النموذج. وبكده أقدر أقول إن خمسمية ناقص تلتمية هيساوي ميتين. هنكمّل في الصفحة اللي جايّة، وناخد مثال.

أوجد ناتج طرح كلٍّ مما يلي.

رقم واحد: تمنمية ناقص مية.

يعني تمن مئات ناقص واحد مئات. باستعمال النماذج هيتبقّى عندي سبع مئات. وبما إنه تمنية ناقص واحد هيساوي سبعة، إذن تمنمية ناقص مية هيساوي سبعمية.

سؤال رقم اتنين: ميتين ناقص ميتين.

اتنين مئات ناقص اتنين مئات. باستعمال النماذج؛ يعني هشطب على اتنين مئات، هيتبقّى عندي صفر. وبما إنه اتنين ناقص اتنين هيساوي صفر، إذن ميتين ناقص ميتين هيساوي برضو صفر.

سؤال رقم تلاتة: تسعمية ناقص ربعمية.

باستعمال النماذج؛ تسع مئات ناقص أربع مئات، يعني هشطب على أربع مئات، هيتبقّى عندي خمس مئات. وبما إنه تسعة ناقص أربعة هيساوي خمسة، إذن تسعمية ناقص ربعمية هيساوي خمسمية. هنكمّل في الصفحة اللي جايّة.

تدريبات: أوجد ناتج طرح كلًّا مما يلي.

رقم واحد: تمنمية ناقص تلتمية.

يعني تمن مئات ناقص تلات مئات. بما إنه تمنية ناقص تلاتة بيساوي خمسة، إذن تمن مئات ناقص تلات مئات هيساوي خمس مئات. وبكده أقدر أقول إنه تمنمية ناقص تلتمية هيساوي خمسمية.

سؤال رقم اتنين: تسعمية ناقص ميتين.

تسع مئات ناقص اتنين مئات. بما إنه تسعة ناقص اتنين بيساوي سبعة، إذن تسع مئات ناقص اتنين مئات هيساوي سبع مئات. وبكده أقدر أقول إنه تسعمية ناقص ميتين هيساوي سبعمية.

سؤال رقم تلاتة: سبعمية ناقص خمسمية.

يعني سبع مئات ناقص خمس مئات. بما إنه سبعة ناقص خمسة هيساوي اتنين، إذن سبع مئات ناقص خمس مئات هيساوي اتنين مئات. يعني سبعمية ناقص خمسمية هيساوي ميتين.

وبكده هنكون اتعلّمنا إزاي نطرح المئات باستعمال النماذج، وباستعمال حقايق الطرح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.