فيديو: استخدام التناسب لإيجاد القيم المجهولة

النسبة ١ : ﺃ تساوي ٠٫٨ : ٤. ما قيمة ﺃ؟

٠٢:٢٨

‏نسخة الفيديو النصية

النسبة واحد إلى أ تساوي تمنية من عشرة إلى أربعة. ما قيمة أ؟

يعني مُعطى عندنا إن نسبة واحد إلى أ بتساوي تمنية من عشرة إلى أربعة. فنقدر نكتبها تحتها بالشكل ده. والمطلوب في السؤال إننا نوجد قيمة أ. وعشان نوجد قيمة أ، يبقى هنضرب الطرفين في الوسطين. فمعنى كده إن هتبقى أ بتساوي واحد في أربعة، الكل على تمنية من عشرة. بعد كده هنكتب المقدار اللي عندنا ده على صورة واحد في أربعة على الصورة دي. فهيبقى عندنا واحد في أربعة، اللي هي في البسط، مقسوم على تمنية من عشرة، اللي هي في المقام. ونقدر نكتب تمنية من عشرة في صورة الكسر تمنية على عشرة.

بعد كده لمّا نيجي نحسب، هنحسب في الأول واحد في أربعة، واللي بتساوي أربعة. فهيبقى عندنا أربعة على، تمنية على عشرة. فنقدر نعتبر إن أربعة دي هي أربعة على واحد. فمعنى كده إن هيبقى عندنا هنا كسر مقسوم على كسر. وخلّينا نفتكر إننا لمّا بنقسم الكسور، بنيجي عند علامة القسمة اللي هنا وبنخلّيها علامة ضرب. وأمَّا الكسر اللي بعد علامة القسمة، فبنقلبه، يعني بنخلّي البسط مكان المقام والمقام مكان البسط. فمعنى كده إن الكسر تمنية على عشرة هنكتبه عشرة على تمنية. وبالتالي هيبقى المقدار بيساوي أربعة في، عشرة على تمنية.

وبنفس الطريقة، هنعتبر إن الأربعة هي كسر مقامه واحد. بعد كده هنضرب البسط في البسط والمقام في المقام. فلمّا نضرب في البسط، أربعة في عشرة هتبقى بتساوي أربعين. وأمَّا في المقام، هنضرب واحد في تمنية، واللي هتساوي تمنية. بعد كده هنقسم أربعين على تمنية. يعني عايزين نشوف تمنية لو ضربناها في كام هتدّينا أربعين. وزيّ ما إحنا عارفين إن تمنية في خمسة بتساوي أربعين. فبالتالي أربعين على تمنية هتبقى بتساوي خمسة.

وبالتالي هتبقى قيمة أ هي خمسة. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.