فيديو: تبسيط العبارات الجبرية (خاصية التوزيع)

يوضح الفيديو كيفية تبسيط العبارات الجبرية التي تتضمن عمليتَي الجمع والطرح باستخدام خاصية التوزيع، وأمثلةً عليها.

٠٦:١٢

‏نسخة الفيديو النصية

دلوقتي هنتكلّم عن تبسيط العبارات الجبرية، باستخدام خاصية التوزيع. هنتعلّم إزّاي نبسّط العبارات الجبرية، باستخدام خاصية التوزيع. هبتدي الشرح بالنشاط التالي. يمكن استعمال بطاقات الجبر، عشان أعيد كتابة اتنين في، س زائد تلاتة.

في البداية هنمثّل العبارة س زائد تلاتة، باستعمال بطاقات الجبر. وبعد كده هنضاعف عدد البطاقات مرتين، عشان أمثّل اتنين في، س زائد تلاتة. هحصل على اتنين س زائد ستة. وبكده هنكون استفدنا من النشاط، إنه ممكن أعيد كتابة عبارة زيّ: تلاتة في، اتنين زائد سبعة، باستعمال خاصية التوزيع كالتالي …

هضرب تلاتة في اتنين، يعني هيساوي تلاتة في اتنين. زائد … هضرب تلاتة في سبعة، يعني زائد تلاتة في سبعة. وبكده أنا استعملت خاصية التوزيع. بعد كده هضرب. تلاتة في اتنين، يساوي ستة. زائد … تلاتة في سبعة؛ ، هيساوي واحد وعشرين. وفي الآخر بالجمع، هحصل على سبعة وعشرين.

بنفس الطريقة هنستعمل خاصية التوزيع، عشان أبسّط العبارة الجبرية: اتنين في، س زائد تلاتة. في البداية هضرب اتنين في س. وبعد كده اتنين في تلاتة. يعني هيساوي اتنين في س، زائد اتنين في تلاتة. وبكده أنا هكون استخدمت خاصية التوزيع. بالضرب، هحصل على اتنين س زائد ستة. وبكده أقدر أقول إنه العبارتين: اتنين في، س زائد تلاتة، واتنين س زائد ستة؛ متكافئتين. هنكمّل في الصفحة اللي جاية.

مثال: استعمل خاصية التوزيع لإعادة كتابة كل عبارة مما يأتي. رقم واحد: أربعة في، س زائد سبعة. هستعمل خاصية التوزيع، هضرب أربعة في س، وأربعة في سبعة. يعني هيساوي أربعة في س، زائد أربعة في سبعة. يعني هيساوي أربعة س زائد تمنية وعشرين.

تاني عبارة: ص زائد اتنين، في خمسة. هستعمل خاصية التوزيع. وهضرب ص في خمسة، واتنين في خمسة. يعني هيساوي ص في خمسة، زائد اتنين في خمسة. يعني هيساوي خمسة ص زائد عشرة. هنلاحظ كمان إن خاصية التوزيع، تتضمن عملية الطرح. هناخد مثال عَ الكلام ده.

استعمل خاصية التوزيع في إعادة كتابة كل عبارة مما يأتي. رقم واحد: ستة في، ب ناقص خمسة. في البداية هكتب ب ناقص خمسة، على صورة: ب زائد سالب خمسة. يعني هيساوي ستة في، ب زائد سالب خمسة. باستعمال خاصية التوزيع، هضرب ستة في ب، وستة في سالب خمسة. يعني هيساوي ستة في ب، زائد ستة في سالب خمسة. يعني هيساوي ستة ب زائد سالب تلاتين. بعد الضرب، هنبسّط. يعني هيساوي ستة ب ناقص تلاتين.

هنكمّل في الصفحة اللي جاية مثال تاني. رقم اتنين: سالب اتنين في، س ناقص تمنية. هعيد كتابة س ناقص تمنية، على صورة: س زائد سالب تمنية. يعني هيساوي سالب اتنين في، س زائد سالب تمنية. هيساوي … باستعمال خاصية التوزيع، هضرب سالب اتنين في س، وسالب اتنين في سالب تمنية. يعني هيساوي سالب اتنين في س، زائد سالب اتنين في سالب تمنية. يعني هيساوي سالب اتنين س زائد ستاشر.

تدريبات. رقم واحد: اتنين في، ن زائد سبعة. باستعمال خاصية التوزيع، هضرب اتنين في ن، واتنين في سبعة. يعني هيساوي اتنين في ن، زائد اتنين في سبعة. يعني هيساوي اتنين ن زائد أربعتاشر.

رقم اتنين: سالب ستة في، م ناقص اتنين. في البداية هعيد كتابة م ناقص اتنين، على صورة: م زائد سالب اتنين. يعني هيساوي سالب ستة في، م زائد سالب اتنين. باستعمال خاصية التوزيع هضرب سالب ستة في م، وسالب ستة في سالب اتنين. يعني هيساوي سالب ستة في م، زائد سالب ستة في سالب اتنين. يعني هيساوي سالب ستة م زائد اتناشر.

رقم تلاتة: سالب تلاتة في، أ زائد تسعة. نفس الكلام باستعمال خاصية التوزيع، هضرب سالب تلاتة في أ، وسالب تلاتة في تسعة. يعني هيساوي سالب تلاتة في أ، زائد سالب تلاتة في تسعة. يعني هيساوي سالب تلاتة أ ناقص سبعة وعشرين.

وبكده هنكون اتعلّمنا تبسيط العبارات الجبرية، باستخدام خاصية التوزيع. واستخدمنا خاصية التوزيع لعبارات تتضمن عملية الطرح، وعبارات تتضمن عملية الجمع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.