فيديو: إيجاد العدد الأكبر بمقدار ١٠ من أحد الأعداد من ١١ إلى ١٩ باستخدام مربع المائة

دون العد بالآحاد، أوجد العدد الأكبر بمقدار ١٠ من العدد ١٣.

٠٢:٠٣

‏نسخة الفيديو النصية

دون العدّ بالآحاد، أوجد العدد الأكبر بمقدار عشرة من العدد تلتاشر.

السؤال بيقول لنا من غير ما نعدّ بالآحاد؛ يعني نعدّ: واحد، اتنين، تلاتة، أربعة، خمسة، ستة، وهكذا … عاوزين نوجد العدد الأكبر من العدد تلتاشر اللي متحدّد في الجدول قدّامنا بمقدار عشرة.

طيّب لو بصّينا على الجدول اللي قدّامنا هنلاقي إيه؟

أول صف فيه عشر أعداد؛ بادئ مِ الواحد، وبيخلص عند العشرة. وزيّه تاني صف؛ بادئ مِ الحداشر، وبيخلص عند العشرين. وزيّهم باقي الصفوف. ده معناه إن كل صف فيه عشر أعداد، وكل عدد في الصف [أعمدة الصف]‎ بيزيد عن العدد اللي قبله بمقدار عشرة.

يعني إحنا عندنا التلتاشر اللي محدّدينها دي بتزيد عن التلاتة اللي فوقيها بالظبط بمقدار عشرة. فإحنا عندنا في السؤال عاوزين العدد اللي بيزيد عن التلتاشر بمقدار عشرة.

إحنا كل امّا بننزل لصف بنزوّد عشرة؛ عشان كده التلاتة بقت تلتاشر. طيّب ننزل للصف اللي بعده، ونزوّد عشرة كمان؛ فالتلتاشر هتكون تلاتة وعشرين. ويبقى التلاتة وعشرين هو العدد اللي بيكبر عن التلتاشر، أو اللي بيزيد عن التلتاشر بمقدار عشرة.

فتبقى الإجابة الصح هي: تلاتة وعشرين. لأن عندنا التلتاشر عبارة عن تلاتة وواحد؛ تلاتة آحاد، وواحد عشرات. وإحنا عاوزين نزوّد عليها عشرة، فالواحد العشرات ده هيزيد عليه واحد فهيكون اتنين. فيبقى العدد بعد الزيادة هو: تلاتة وعشرين. الآحاد فضلت تلاتة زيّ ما هي، والعشرات زادت واحد؛ فالواحد بقى اتنين. فتبقى الإجابة الصح هي: تلاتة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.