فيديو: استخدام الأعمدة البيانية لإكمال الجدول التكراري

الشكل التالي يوضح عدد التلاميذ الذين التحقوا بمختلف الأنشطة المدرسية. أكمل الجدول التالي.

٠١:٢٥

‏نسخة الفيديو النصية

الشكل التالي يوضح عدد التلاميذ الذين التحقوا بمختلف الأنشطة المدرسية. أكمل الجدول التالي.

هنكمل الجدول بإننا بنشوف عدد التلاميذ المقابل لكل عمود، فهنشوف العمود الأول اللي بيرمز للطلاب اللي التحقوا بنشاط الموسيقى، هنلاقي إن عدد الطلاب المناظر ليه هو خمسة وعشرين، فنكتب خمسة وعشرين في الجدول تحت الموسيقى.

بعدين نشوف عمود الرياضة، هنلاقي إن عدد الطلاب المناظر ليه هو تلاتين، فنكتب تلاتين في الجدول تحت الرياضة.

بعدين نشوف عمود الرسم، هنلاقي إن عدد الطلاب هو خمسة وأربعين، فنكتب خمسة وأربعين تحت الرسم في الجدول.

بعدين نشوف نشاط المسرح، هنلاقي إن عدد الطلاب المناظر ليه هو خمسة وعشرين برضو زي الموسيقى، فنكتب خمسة وعشرين في الجدول تحت المسرح.

بعدين نشوف عمود نشاط الغناء، هنلاقي إن عدد التلاميذ المناظر ليه هو أربعين، فنكتب أربعين في الجدول تحت الغناء.

وبكده نبقى كملنا الجدول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.