فيديو: إيجاد الإحداثي س للنقطة التي تقع على منحنى دالة تربيعية يكون عندها المماس موازيًا لمحور س

ما الإحداثي السيني للنقطة التي يكون عندها المماس للدالة ﺹ = ﺱ^٢ + ١٢ﺱ + ١١ موازيًا لمحور السينات؟

٠٢:٠١

‏نسخة الفيديو النصية

ما الإحداثي السيني للنقطة التي يكون عندها المماسّ للدالة: ص تساوي س تربيع زائد اتناشر س زائد حداشر؛ موازيًا لمحور السينات؟

المماسّ للدالة ص، هو د ص د س. واللي بيمثّل المشتقة الأولى للدالة المعطاة. إمتى يكون موازيًا لمحور السينات؟ لو كان الميل بيساوي صفر. يبقى النقطة المطلوبة، هي النقطة اللي هتخلّي د ص د س، بيساوي صفر. لأن هو ده الميل للخط. فهنوجد د ص د س للدالة المعطاة؛ هنشتقها.

الـ س تربيع اشتقاقها هيبقى الأُس بنضرب فيه. وننقّص الأُس بتاع الـ س، واحد؛ تبقى س. زائد … الاتناشر عدد ثابت، يفضل زيّ ما هو. والـ س دي أُس واحد. لمّا هنضرب في أُسّها، اللي هو واحد. وهننقّص الأُس واحد، يبقى واحد ناقص واحد بصفر. يبقى س أُس صفر؛ دي قيمتها بواحد. زائد … الحداشر ده عدد ثابت، اشتقاقه بصفر. يبقى د ص د س بيساوي اتنين س زائد اتناشر.

عايزين نوجد قيمة الـ س، اللي بتخلّي الميل بيساوي صفر، موازي لمحور السينات. يبقى إمتى الاتنين س زائد اتناشر هتساوي صفر؟ عند الـ س تساوي كام؟ هنقسم طرفَي المعادلة دي على اتنين. تبقى س زائد ستة تساوي صفر. ومنها الـ س هتساوي سالب ستة. وتبقى هي دي قيمة الإحداثي السيني للنقطة، اللي بيكون عندها المماسّ للدالة المعطاة موازيًا لمحور السينات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.