فيديو: جمع عددين حتى ٩ بتطبيق خواص العمليات

٠ + ١ = ١ + ٠ = _.

٠١:٤٤

‏نسخة الفيديو النصية

صفر زائد واحد يساوي واحد زائد صفر يساوي نقط.

عاوزين نحلّ السؤال اللي عندنا ده. لو جينا نبصّ على السؤال، هنلاقي فيه أول جزء صفر زائد واحد. وتاني جزء واحد زائد صفر. وما بينهم علامة التَّساوي. معنى كده إن هم بيساووا بعض. والخاصية دي اسمها خاصية الإبدال. يعني إيه خاصية الإبدال؟

خاصية الإبدال يعني لو هنجمع أيّ عدد على عدد تاني. زيّ مثلًا ما قلنا هنا صفر زائد واحد، هي هيّاها لمّا نبدّل ترتيبهم. إبدال جايّة من التبديل، يعني هي هيّاها بدل ما نقول صفر زائد واحد، نقولها واحد زائد صفر. هيساووا بعض. دي خاصية الإبدال، واللي هي متطبّقة عندنا في السؤال.

طيّب علشان نجيب الناتج بقى هنعمل إيه؟ هنجمع أول حاجة هنا صفر زائد واحد. هو مش صفر لمّا يتجمع عليه أيّ حاجة، بيبقى الناتج زيّها؟ يعني صفر زائد واحد بيساوي واحد، وهي هيّاها واحد زائد صفر برضو بتساوي واحد؟ فده معناه إن الإجابة هنا واحد.

طيّب هي الخاصية التانية اللي إحنا قلناها دي هي خاصية إيه؟ خاصية المحايد الجمعي. يعني إيه خاصية المحايد الجمعي؟ يعني أيّ عدد لمّا يتجمع على الصفر، الناتج بيكون نفس العدد. لو قلنا واحد، عدد أهو، جمعناه على الصفر، الناتج بيكون نفس العدد اللي هو الواحد. علشان كده إحنا قلنا إن ناتج الجمع هنا هيكون واحد. هي دي الإجابة الصح؛ واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.