فيديو: إيجاد إحداثيات رءوس مثلث بعد الانعكاس

حدِّد صور رءوس المثلث الموضَّح بعد الانعكاس في الخط المتقطع.

٠٢:٢٩

‏نسخة الفيديو النصية

حدّد صور رؤوس المثلث الموضَّح بعد الانعكاس في الخط المتقطّع.

الانعكاس على الخط المتقطّع معنى كده إننا هنعتبر الخط المتقطّع ده هو محور الانعكاس. فهتبقى كل نقطة ليها انعكاس بنفس الارتفاع، ونفس المسافة عن محور الانعكاس ده بس في الجهة الأخرى اللي هي هنا.

هنسمّي المثلث اللي عندنا أ ب ج. هنشوف الرأس أ بتبعد قدّ إيه عن محور الانعكاس، اللي هو خط المتقطّع. هنلاقي إنها بتبعد مسافة: واحد، اتنين، تلاتة، أربعة، خمسة، ست مربعات.

وبالتالي علشان نعرف صورة النقطة أ بعد محور الانعكاس، عدّينا برضو ست مربعات. هنُقَف عند النقطة دي، ونشوف الإحداثي السيني كام. الإحداثي السيني هنلاقي إن هو: عشرة، والإحداثي الصادي هنلاقي إن هو: تلتاشر. معنى كده إن صورة الرأس أ هي النقطة: عشرة، وتلتاشر.

بعد كده هنشوف النقطة ب بتبعد قدّ إيه عن محور الانعكاس، هنلاقي إنها بتبعد: واحد، اتنين، تلاتة، أربعة، خمسة، ست مربعات. وبنفس الطريقة بعد محور الانعكاس عدّينا برضو ست مربعات، ووقفنا عند النقطة دي. هنلاقي الإحداثي السيني لصورة النقطة ب هي: اتنين، والإحداثي الصادي هي النقطة: تلتاشر.

والنقطة ج بتبعد عن محور الانعكاس بمسافة تلات مربعات، فهتكون صورتها بعد الانعكاس على مسافة تلات مربعات من بعد الخط المتقطّع برضو. وعلشان نحدّدها هنلاقي إنها عند الإحداثي السيني عند النقطة: خمسة، وعند الإحداثي الصادي عند النقطة: عشرة.

وبكده عرفنا نجيب صورة النقطة أ، وهي: عشرة، وتلتاشر. وصورة النقطة ب، وهي: اتنين، وتلتاشر. وصورة النقطة ج، وهي: خمسة، وعشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.