فيديو: قسمة عدد عشري على عدد صحيح

٦١٫٩٧٤ ÷ ٦٦ = _.

٠٤:٠٤

‏نسخة الفيديو النصية

واحد وستين وتسعمية أربعة وسبعين من ألف على ستة وستين يساوي …

يعني عايزين نقسم عدد عشري على عدد صحيح. وخلينا نفتكر إننا لما بنقسم عدد عشري على عدد صحيح، بنستخدم القسمة المطولة، فلما بنيجي نقسم بنعتبر إن العلامة العشرية مش موجودة؛ يعني كأننا بنقسم عدد صحيح على عدد صحيح، وبعد كده بنحط العلامة العشرية في الناتج في نفس مكانها.

فهنبدأ نقسم. في الأول هنلاحظ إن واحد وستين ما ينفعش نقسمها على ستة وستين، لأنها أقل منها؛ فبالتالي هناخد التسعة معاها، فهيبقى ستمية وتسعتاشر. وزي ما قلنا هنعتبر إن ما فيش علامة عشرية وهنقسم ستمية وتسعتاشر على ستة وستين، يعني عايزين نشوف ستمية وتسعتاشر هيبقى فيها كام ستة وستين. فلو قلنا مثلًا ستة وستين في عشرة بتساوي ستمية وستين، وستمية وستين أكبر من ستمية وتسعتاشر، يبقى ما ينفعش، فمعنى كده إن ستمية وتسعتاشر فيها ستة وستين تسع مرات. يبقى لما نقسم ستمية وتسعتاشر على ستة وستين هتساوي تسعة.

وبما إننا بنقسم على ستمية وتسعتاشر، فكان آخر رقم عندنا هو تسعة، فهنكتب تسعة فوقيها عند نفس المكان. بعد كده هنضرب تسعة في ستة وستين؛ فلما نضربها هتساوي خمسمية أربعة وتسعين. بعد كده هنطرح ستمية وتسعتاشر ناقص خمسمية أربعة وتسعين؛ فلما نحسب ستمية وتسعتاشر ناقص خمسمية أربعة وتسعين هتساوي خمسة وعشرين، وطبعًا خمسة وعشرين ما ينفعش نقسمها على ستة وستين؛ فبالتالي هننزل الرقم اللي بعد كده اللي هو سبعة، فهتبقى ميتين سبعة وخمسين. بعد كده هنقسم ميتين سبعة وخمسين على ستة وستين، يعني عايزين نشوف ميتين سبعة وخمسين فيها كام ستة وستين، فممكن نقدّر الإجابة عن طريق إننا نقرب ستة وستين لسبعين، فنجرب مثلًا سبعين في أربعة بتساوي ميتين وتمانين، واللي هتبقى أكبر من ميتين سبعة وخمسين؛ فمعنى كده إننا هنجرب تلاتة، فهنقسم ميتين سبعة وخمسين على ستة وستين واللي هتساوي تلاتة، بعد كده هنضرب تلاتة في ستة وستين؛ فلما نضربها هتساوي مية تمنية وتسعين. بعد كده هنطرح ميتين سبعة وخمسين ناقص مية تمنية وتسعين؛ فلما نحسبها هتساوي تسعة وخمسين، وتسعة وخمسين هنا أقل من ستة وستين فما ينفعش نقسم عليها؛ فمعنى كده إننا هننزل الرقم اللي بعد كده تحت جنب تسعة وخمسين، فهننزل أربعة، فهيبقى عندنا خمسمية أربعة وتسعين. بعد كده هنقسم خمسمية أربعة وتسعين على ستة وستين.

وهنلاحظ إننا حسبناها قبل كده علشان لما ضربنا تسعة في ستة وستين إدّتنا خمسمية أربعة وتسعين؛ فبالتالي لما نقسم خمسمية أربعة وتسعين على ستة وستين هتساوي تسعة. بعد كده هنرجع نضرب تسعة في ستة وستين فهتساوي خمسمية أربعة وتسعين. وآخر خطوة عندنا إننا هنطرح خمسمية أربعة وتسعين ناقص خمسمية أربعة وتسعين، واللي هتساوي صفر. فبما إننا وصلنا لصفر، فمعنى كده إننا وصلنا لنهاية القسمة المطولة، فنرجع نشوف الناتج.

وما ننساش إننا نحط العلامة العشرية في نفس مكانها، فهيبقى عندنا الناتج هو تسعمية تسعة وتلاتين من ألف؛ فبالتالي هيبقى واحد وستين وتسعمية أربعة وسبعين من ألف على ستة وستين بيساوي تسعمية تسعة وتلاتين من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.