فيديو: إيجاد العامل المجهول في معادلة ضرب توضح العلاقة بين ثلاثة أعداد صحيحة

غادة عليوة

أوجد العامل المجهول: ٦ × ؟ = ١٨.

٠١:٠٨

‏نسخة الفيديو النصية

أوجد العامل المجهول: ستة في عدد مجهول يساوي تمنتاشر.

العامل المجهول اللي عندنا هو عبارة عن عدد، لو ضربناه في ستة يبقى حاصل الضرب تمنتاشر. إحنا ممكن نفتكر مع بعض جدول الضرب الخاص بالستة. هنقول إن ستة في واحد بستة، وستة في اتنين باتناشر، وستة في تلاتة بتمنتاشر. يبقى دلوقتي لقينا عدد لو ضربناه في ستة، يصبح حاصل الضرب تمنتاشر. العدد ده هو تلاتة. يبقى العامل المجهول اللي لو ضربناه في ستة يصبح الناتج تمنتاشر هو: تلاتة.

ونقدر نحلّها بطريقة تانية. دلوقتي إحنا عايزين نعرف العدد اللي لو ضربناه في ستة يدّينا تمنتاشر. معناها إن إحنا لو قسمنا تمنتاشر على الستة، ده هيدينا العامل المجهول. لو قسمنا تمنتاشر على ستة، هنلاقي إن ناتج عملية القسمة هو تلاتة. يبقى العامل المجهول عندنا هو: تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.