فيديو: تطبيقات على إيجاد ميل مستقيم

باستخدام حقيقة أن الميل يكون متساويًا بين أيِّ نقطتين مختلفتين على خط غير عمودي في المستوى الإحداثي، احسب قيمة ﺹ في التمثيل البياني.

٠٢:٤١

‏نسخة الفيديو النصية

باستخدام حقيقة أن الميل يكون متساويًا بين أيّ نقطتين مختلفتين على خطّ غير عمودي في المستوى الإحداثي. احسب قيمة ص في التمثيل البياني. ومعطى عندنا الشكل البياني اللي قدامنا. واللي مطلوب إننا نوجد قيمة ص.

هنلاحظ إن الشكل عندنا بيعبّر عن تمثيل نقاط بيانيًّا. وهنستخدم حقيقة إن الميل بيكون متساوي بين أيّ نقطتين على خطّ غير عمودي في المستوى الإحداثي. يعني لمّا يكون عندنا نقط موجودة على نفس الخطّ، فمعنى كده إن بيكون ليهم الميل نفسه. فلو هنسمّي النقط اللي عندنا في الرسم البياني بالشكل ده، فهنلاحظ إن النقط واحد، واتنين، وتلاتة، وأربعة، وخمسة بيقعوا على الخطّ نفسه. فمعنى كده إن الميل هيكون متساوي بين أيّ نقطتين فيهم؛ لأن الخمس نقط بيقعوا على الخطّ نفسه.

وخلّينا في الأول نفتكر إن الميل هو نسبة التغيّر الرأسي إلى التغيّر الأفقي. فلمّا نيجي نشوف مثلًا الميل بين النقطتين تلاتة وأربعة. فهيبقى الميل بيساوي التغيّر الرأسي … والتغيّر الرأسي اللي هو الفرق ده، واللي مُعطى عندنا بتلاتة. فهيبقى الميل بيساوي تلاتة على التغيّر الأفقي. وبنفس الطريقة، هيبقى التغيّر الأفقي بين النقطتين تلاتة وأربعة، اللي هي المسافة دي. واللي مُعطاة عندنا بأربعة. فبالتالي هيبقى الميل بين النقطتين تلاتة وأربعة هو تلاتة على أربعة.

وزيّ ما عرفنا إن الميل بيكون متساوي بين أيّ نقطتين على الخطّ نفسه. فمعنى كده إن هيبقى الميل بين النقطتين واحد واتنين بيساوي نفس الميل بين النقطتين تلاتة وأربعة. وزيّ ما عرفنا إن الميل هو تلاتة عَ الأربعة، فيبقى عندنا تلاتة على أربعة بيساوي … وهنبدأ نساوي الميل ده بالميل بين النقطتين واحد واتنين. فبنفس الطريقة، زيّ ما عرفنا إن الميل هو النسبة بين التغيّر الرأسي والتغيّر الأفقي، فيبقى عندنا التغيّر الرأسي اللي هو ص، واللي عايزين نوجده. وأمَّا التغيّر الأفقي، واللي هو قيمته ستة. فبالتالي هيبقى عندنا تلاتة على أربعة يساوي ص على ستة.

وعشان نوجد قيمة ص، يبقى هنعمل ضرب تبادلي. فيبقى عندنا ص يساوي تلاتة في ستة الكل على أربعة. فلمّا نحسب قيمة المقدار ده، هيبقى بيساوي تسعة على اتنين.

وبالتالي هيبقى قيمة ص هي تسعة على اتنين. وهي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.