فيديو: إيجاد عدد ناقص في جدول معطًى

أوجد العدد الناقص في الجدول.

٠١:١٥

‏نسخة الفيديو النصية

أوجد العدد الناقص في الجدول.

قدامنا جدول كبير هو ده، وناقص فيه عدد. العدد اللي ناقص ده فين؟ هنلاقيه في المربع ده، هو ده المربع الوحيد اللي مش مكتوب فيه أيّ عدد. عاوزين نكمّله ونعرف نكتب فيه إيه.

طيب الجدول عندنا بيبدأ من أول الواحد لحد المية وعشرين، وكل صف فيه عشر أعداد؛ يعني الصف الأول هنا واحد، اتنين، تلاتة، أربعة، خمسة، ستة، سبعة، تمنية، تسعة، عشرة، وزيّهم باقي الصفوف، تمام؟ طيب. الصف اللي واقع مننا فيه عدد، أو اللي ناقص فيه عدد، هو الصف ده، بيبتدي منين؟ من واحد وتمانين. طب نعدّ بعد الواحد وتمانين؛ اتنين وتمانين، تلاتة وتمانين، أربعة وتمانين، خمسة وتمانين، ستة وتمانين، سبعة وتمانين، تمنية وتمانين، تسعة وتمانين، تسعين؛ يبقى إحنا كده جِبنا العدد اللي ناقص وإحنا بنعدّ.

يبقى العدد اللي كان ناقص في الجدول هو أربعة وتمانين، ودي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.