فيديو: تكوين الأعداد ١٠ و١١ و١٢

يوضِّح الفيديو طرق تكوين الأعداد ١٠ أو ١١ أو ١٢ باستخدام قطع العد.

٠٣:٤٦

‏نسخة الفيديو النصية

تكوين الأعداد عشرة، وحداشر، واتناشر.

هنتعلّم إزَّاي نستخدم قِطَع العدّ عشان نكوّن مجموع بيساوي عشرة، أو حداشر، أو اتناشر.

أول حاجة هنبدأ بتكوين العدد عشرة. هنشوف إزَّاي نقدر من مجموعتين إن إحنا نكوّن العدد عشرة.

نقدر نكوّن العدد عشرة باستخدام أربع قِطَع عدّ حمراء، زائد ست قِطَع عدّ زرقاء؛ هيبقى الناتج بيساوي عشرة. عشر قِطَع عدّ ده مجموع قِطَع العدّ اللي كوّناهم كلهم. هنجيب صفحة جديدة، ونشوف أكتر من طريقة هنكوّن بيهم العدد عشرة.

ممكن عشان حدّ يكوّن العدد عشرة يستخدم مثلًا تمن قِطَع عدّ حمراء، وقطعتين عدّ زرقاء. تمنية زائد اتنين هيبقى الناتج بيساوي عشرة. كده مجموعة القِطَع اللي عندنا كلها بقت بتساوي عشرة.

ممكن حدّ يكوّن العدد عشرة باستخدام خمس قِطَع عدّ حمراء، وخمس قِطَع عدّ زرقاء. لو جمّعنا كل قِطَع العدّ، اللي قدّامنا في الصورة دلوقتي، هنلاقيها عشر قِطَع عدّ. يبقى خمسة زائد خمسة هيساوي عشرة. مجموع القِطَع اللي عندنا دلوقتي في الحالة دي بقى عشرة. هنشوف في صفحة جديدة طرق لتكوين العدد حداشر.

نقدر نكوّن العدد حداشر باستخدام تلات قِطَع عدّ حمراء، وتمن قِطَع عدّ زرقاء. لو عدّينا كل قِطَع العدّ، اللي بقُوا عندنا دلوقتي، هيبقى مجموعهم بيساوي حداشر. يبقى تلاتة زائد تمنية يساوي حداشر.

نقدر كمان نكوّن العدد حداشر باستخدام تسع قِطَع عدّ حمراء، وقطعتين عدّ زرقاء. لو عدّينا كل قِطَع العدّ، اللي بقت عندنا دلوقتي، هنلاقي إن عددهم بيساوي حداشر. يبقى لو جمعنا تسعة زائد اتنين هيبقى الناتج بيساوي حداشر. هنجيب صفحة جديدة، ونشوف بعض الطرق لتكوين العدد اتناشر.

نقدر نكوّن العدد اتناشر باستخدام أربع قِطَع عدّ حمراء، وتمن قِطَع عدّ زرقاء. لو عدّينا عدد القِطَع اللي موجودة كلها، هنلاقي إن مجموعهم اتناشر. يبقى أربعة زائد تمنية، الناتج بيساوي اتناشر.

نقدر كمان نكوّن العدد اتناشر باستخدام سبع قِطَع عدّ حمراء، وخمس قِطَع عدّ زرقاء. لو شُفنا كل عدد القِطَع اللي موجود دلوقتي، لو عدّيناهم، هنلاقيهم اتناشر. يبقى نقدر نقول إن سبعة زائد خمسة يساوي … الناتج هيبقى اتناشر.

شُفنا إزّاي باستخدام قِطَع العدّ نقدر نكوّن مجموع يساوي عشرة، أو حداشر، أو اتناشر. أكيد فيه طرق تانية مختلفة، بس دي كانت بعض الطرق اللي ممكن نستخدمها لتكوين المجموع اللي هو: عشرة، أو حداشر، أو اتناشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.