فيديو: العامل المشترك الأكبر

أوجد العامل المشترك الأكبر للعددين ٢١، ١٠.

٠١:٤٨

‏نسخة الفيديو النصية

أوجد العامل المشترك الأكبر للعددين: واحد وعشرين، وعشرة.

وفي الأول خلينا نفتكر إن العامل المشترك الأكبر لعددين هو أكبر عدد بيقسم في نفس الوقت العددين معًا بدون أي باقي قسمة؛ فمعنى كده إننا عشان نوجد العامل المشترك الأكبر للعددين واحد وعشرين، وعشرة، فهنكتب عوامل كل عدد فيهم، ونشوف إيه هو أكبر عامل مشترك بينهم.

فهنبدأ نكتب عوامل العدد واحد وعشرين، فهنلاحظ إن واحد وعشرين بتقبل القسمة على واحد، لكن واحد وعشرين مش بتقبل القسمة على اتنين؛ فبالتالي الاتنين مش هيبقى عامل من عوامل الواحد وعشرين. بعد كده هنلاحظ إن واحد وعشرين بتقبل القسمة على التلاتة، فهيبقى تلاتة عامل من عوامل العدد واحد وعشرين. ولو جينا نلاحظ بعد كده، هنلاحظ إن لمّا نقسم واحد وعشرين على التلاتة هتبقى بتساوي سبعة؛ فبالتالي هيبقى العدد سبعة عامل من عوامل العدد واحد وعشرين. ولمّا نفكر، هنلاحظ إن ما فيش أي عوامل تانية بتقبل القسمة على واحد وعشرين إلا العدد واحد وعشرين نفسه؛ فبالتالي هتبقى عوامل العدد واحد وعشرين هي: واحد، وتلاتة، وسبعة، وواحد وعشرين.

بعد كده هنكتب عوامل العدد عشرة، فهنلاحظ إن العدد عشرة بيقبل القسمة على واحد واتنين. بما إن عشرة على اتنين بتساوي خمسة، فمعنى كده إن العدد خمسة عامل من عوامل العدد عشرة. ولو جينا نفكر، هنلاقي إن ما فيش أي عدد تاني العدد عشرة بيقبل القسمة عليه إلا العدد عشرة نفسه.

فيبقى إحنا كده كتبنا عوامل العدد عشرة، وعندنا فوق عوامل العدد واحد وعشرين، بعد كده هنوجد العوامل المشتركة بينهم، فهنلاحظ إن ما فيش غير العدد واحد هو العامل المشترك بين عوامل العددين؛ وبالتالي هيبقى العامل المشترك الأكبر للعددين واحد وعشرين وعشرة، هو: واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.