فيديو: إيجاد قطر دائرة بمعلومية محيطها

باستخدام ٣٫١٤ قيمة 𝜋 التقريبية، ما قطر الدائرة التي محيطها ١٢٥٫٦ سم؟

٠١:٤٢

‏نسخة الفيديو النصية

باستخدام تلاتة وأربعتاشر من مية قيمة 𝜋 التقريبية. ما قُطر الدائرة التي محيطها مية خمسة وعشرين وستة من عشرة سنتيمتر؟

أول خطوة هنعملها هنكتب قانون محيط الدائرة. محيط الدائرة بيساوي 𝜋 ق. 𝜋 في طول القطر. وبعدين هنعوّض عادي جدًّا. هو قايل لنا في السؤال إن محيط الدايرة بيساوي مية خمسة وعشرين وستة من عشرة سنتيمتر. يبقى هنعوّض في محيط الدايرة بمية خمسة وعشرين وستة من عشرة سنتيمتر، بيساوي 𝜋 … قال لنا في السؤال إن قيمة 𝜋 التقريبية بتلاتة وأربعتاشر من مية. يبقى هنعوّض بِـ 𝜋 بتلاتة وأربعتاشر من مية. وبعدين هنضربها في طول القطر ق.

في السؤال عايز منّنا نحسب قطر الدائرة. يعني عايزين نحسب ق اللي هنا دي بكام. عشان نقدر نعمل كده، لازم نخلّي ق في طرف لوحدها. يبقى لازم نتخلص من التلاتة وأربعتاشر من مية اللي جنب الـ ق. طب نقدر نتخلص منها إزَّاي؟ هنقسم الطرف الشمال على تلاتة وأربعتاشر من مية. ونفس الكلام هنقسم على تلاتة وأربعتاشر من مية في الطرف اليمين. تلاتة وأربعتاشر من مية على تلاتة وأربعتاشر من مية فيها الواحد. الواحد في ق بِـ ق. ولو قسمنا مية خمسة وعشرين وستة من عشرة على تلاتة وأربعتاشر من مية، هتدي لنا أربعين. وبكده يبقى طول القطر ق اللي كان طالبه منّنا في السؤال بيساوي أربعين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.