فيديو: جمع ثلاثة أعداد عشرية

احسب ٢٧٫١ + ١٤ + ٢٦٫٧.

٠١:٢٧

‏نسخة الفيديو النصية

احسب: سبعة وعشرون وواحد من عشرة، زائد أربعة عشر، زائد ستة وعشرون وسبعة من عشرة.

بنعيد كتابة المثال. سبعة وعشرين وواحد من عشرة، زائد أربعتاشر، زائد ستة وعشرين وسبعة من عشرة. فهنستخدم خاصية الدمج. فأول حاجة، هنجمع أول عددين، بعدين نجمع ناتج جمعهم على العدد التالت. فنجمع سبعة وعشرين وواحد من عشرة زائد أربعتاشر.

أول حاجة نجمع الأجزاء من عشرة، فنكتب واحد من عشرة. بعد كده نجمع الآحاد، فسبعة زائد أربعة هيساوي حداشر. فنكتب واحد في الناتج في الآحاد. بعدين نعيد تجميع عشر آحاد إلى عشرة واحدة، ونكتبها فوق العشرات. بعد كده نجمع واحد زائد اتنين زائد واحد. فيبقى الناتج بيساوي أربعة. يبقى ده هيساوي واحد وأربعين وواحد من عشرة، زائد ستة وعشرين وسبعة من عشرة.

بعد كده نجري عملية الجمع. فنجمع واحد وأربعين وواحد من عشرة، زائد ستة وعشرين وسبعة من عشرة. أول حاجة نجمع الأجزاء من عشرة، واحد زائد سبعة هيساوي تمنية من عشرة. بعدين نجمع الآحاد، واحد زائد ستة هيساوي سبعة. بعد كده نجمع العشرات، فأربعة زائد اتنين هيساوي ستة. يبقى ناتج الجمع هيساوي سبعة وستين وتمنية من عشرة. وهي دي قيمة التعبير .

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.