فيديو: تحديد هل المعادلة البسيطة أو المتباينة البسيطة صواب أم خطأ

‏نسخة الفيديو النصية

هل المتباينة: خمستاشر في ص أقل من أو يساوي تلاتة وتسعين على تلاتة، صحيحة أم خاطئة، إذا كانت ص تساوي اتنين؟

عشان نشوف إذا كانت المتباينة دي صحيحة ولّا لأ، هنعوّض بقيمة ص يساوي اتنين، ونشوف إذا كان فعلًا خمستاشر في اتنين أقل من أو يساوي تلاتة وتسعين على تلاتة ولّا لأ. فهنشوف الطرف الأيمن والطرف الأيسر، فعندنا الطرف الأيمن هيساوي خمستاشر في اتنين، اللي هي تلاتين؛ والطرف الأيسر تلاتة وتسعين على تلاتة، اللي هي واحد وتلاتين.

تعالوا نشوف بقى المتباينة دي صح ولّا غلط. فتطلع فعلًا تلاتين أقل من أو يساوي الواحد وتلاتين، وهيطلع المتباينة: خمستاشر في ص أقل من أو يساوي تلاتة وتسعين على تلاتة، صحيحة إذا كانت ص بتساوي اتنين.