فيديو: إيجاد طول ضلع في مثلث بمعلومية الضلع المُناظِر له في مثلث مُشابِه ونسبة التشابُه بينهما

إذا كان △ﺃﺏﺟ ∼ △ﺱﺹﻉ، فأوجد طولَيْ ﺏﺟ، ﺱﻉ.

٠٢:٠٩

‏نسخة الفيديو النصية

إذا كان المثلث أ ب ج يشبه المثلث س ص ع. فأوجد طولَيْ ب ج وَ س ع.

في المضلَّعات المتشابهة، بتكون النسبة بين الأضلاع المتناظرة متساوية. يعني ممكن نقول: إن النسبة بين الضلعين س ص وَ أ ب بتساوي النسبة بين الضلعين س ع وَ أ ج. بتساوي النسبة بين الضلعين ص ع وَ ب ج.

معطى في السؤال أطوال الأضلاع: س ص بيساوي أربعتاشر سنتيمتر. وَ ص ع بيساوي عشرة سنتيمتر. وَ أ ب بيساوي تمنية وعشرين سنتيمتر. وَ أ ج بيساوي اتناشر سنتيمتر. فهنعوّض بالقيم دي في العلاقة، فالعلاقة هتبقى: أربعتاشر على تمنية وعشرين بتساوي س ع على اتناشر، بتساوي عشرة على ب ج.

أول حاجة نقول: إن أربعتاشر على تمنية وعشرين بيساوي س ع على اتناشر. باستخدام التبسيط، أربعتاشر على تمنية وعشرين هيساوي واحد على اتنين. وباستخدام الضرب التبادلي، العلاقة هتبقى اتنين في س ع هيساوي واحد في اتناشر. وبقسمة الطرفين على اتنين، هيبقى س ع بيساوي اتناشر على اتنين. يعني بيساوي ستة سنتيمتر.

بعد كده عشان نوجد قيمة ب ج، هنقول: إن أربعتاشر على تمنية وعشرين بيساوي عشرة على ب ج. برضو باستخدام التبسيط، أربعتاشر على تمنية وعشرين هيساووا واحد على اتنين. وباستخدام الضرب التبادلي، هيبقى واحد في ب ج بيساوي اتنين في عشرة. يعني ب ج بيساوي عشرين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.