فيديو: فهم القيمة المكانية عند مقارنة الأعداد

هل ٦٠٠ + ٩٠ + ٢< أو = أو >٦٠٠ + ٢٠ + ٩؟

٠٢:١٤

‏نسخة الفيديو النصية

هل ستمية زائد تسعين زائد اتنين، أقل من أو يساوي أو أكبر من، ستمية زائد عشرين زائد تسعة؟

عاوزين نعرف هل المقدار اللي قدامنا ده، أقل من ولّا يساوي ولّا أكبر من، المقدار التاني ده. لو جينا نبصّ عَ المقدار الأول، هنلاقيه عبارة عن ستمية؛ يعني ستة في المئات. زائد تسعين، يعني تسعة في العشرات. زائد اتنين، يعني اتنين آحاد. يعني المقدار ده بيساوي ستمية اتنين وتسعين. ولو جينا نبصّ عَ المقدار التاني، هنلاقيه عبارة عن ستمية؛ يعني ستة مئات. زائد عشرين، يعني اتنين عشرات. زائد تسعة، يعني تسعة في الآحاد.

دلوقتي بقى عاوزين نقارن بين ستمية اتنين وتسعين، وستمية تسعة وعشرين. ونشوف هنحطّ أقل من، ولّا يساوي، ولّا أكبر من، ما بينهم. علشان نقارن ما بينهم، أول حاجة هنعملها، هي إننا هنحدّد الرقم اللي في خانة المئات في كل عدد. يعني العدد الأول عندنا، اللي هو ستمية اتنين وتسعين، فيه هنا الستة دي في خانة المئات. والعدد ستمية تسعة وعشرين، فيه الستة دي برضو في خانة المئات.

كده إحنا هنقارن خانة المئات، بخانة المئات. هنلاقي في العدد الأول فيها ستة، والتاني برضو فيها ستة؛ زيّ بعض. يبقى ما ينفعش ناخد قرار؛ لأننا لسه مش عارفين مين الكبير، ومين الصغير. نعمل إيه؟ ننتقل للخانة اللي بعدها، اللي هي العشرات. في العدد ستمية اتنين وتسعين، التسعة في خانة العشرات. وفي العدد ستمية تسعة وعشرين، الاتنين في خانة العشرات.

نبدأ نقارن بين التسعة والاتنين. مين الكبير؟ التسعة هي الكبيرة. فده معناه إن العدد ده، اللي هو فيه التسعة في خانة العشرات، هو الكبير. يعني ستمية اتنين وتسعين، أكبر من، ستمية تسعة وعشرين. فتبقى الإجابة الصح هي: أكبر من. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.