فيديو: تطبيقات الضرب

يوضح الفيديو كيفية حل مسائل الضرب التي تتضمن نقودًا أو أعدادًا كبيرة، وتطبيقات حياتية عليها، وكيفية التحقق من الناتج باستخدام التقدير.

٠٥:٠١

‏نسخة الفيديو النصية

هنتكلّم عن تطبيقات الضرب. هنتعلّم إزاي نحل مسائل الضرب التي تتضمن الفلوس، والأعداد الكبيرة. وهناخد أمثلة من واقع الحياة. هبتدي الشرح بالمثال التالي. تكلفة قلم في مكتبة، واحد وخمسة من مية جنيه. إذا كانت سلمى تريد شراء تلات أقلام. وكان معاها تلاتة وخمسين من مية جنيه. فهل مع سلمى ما يكفي لشراء تلات أقلام، ولّا لأ؟

عشان أعرف الفلوس اللي مع سلمى هتكفي لشراء التلات أقلام ولا لأ، هجيب التكلفة الكلية. التكلفة الكلية هتساوي عدد الأقلام، في تمن القلم الواحد. يعني هتساوي تلاتة، في واحد وخمسة من مية.

هنستعمل التقدير. تلاتة هتفضل زيّ ما هي تلاتة. وواحد وخمسة من مية، هتساوي تقريبًا واحد؛ لأنه واحد وخمسة من مية، أقرب لواحد، من اتنين. يعني تلاتة في واحد، هيساوي تلاتة جنيه. وبكده بما إنه مع سلمى تلاتة وخمسين من مية جنيه، فهي تقدر تشتري التلات أقلام، اللي سعرهم هيساوي تقريبًا تلاتة جنيه.

هنكمّل في الصفحة اللي جايّة، وهناخد مثال تاني. مثال: بيشتري محمد خمستاشر وتمنية من عشرة كيلوجرام من الأسمنت، لمنزله في كل أسبوع. تقريبًا كام كيلوجرام من الأسمنت اشترى محمد في خمس أسابيع؟

عشان أجيب كم كيلوجرام من الأسمنت، اشترى محمد في خمس أسابيع. هضرب الوزن اللي اشتراه محمد في الأسبوع الواحد، في عدد الأسابيع. يعني خمستاشر وتمنية من عشرة، في خمسة. هقدّر ناتج الضرب. هنلاحظ إنه ممكن نستعمل التقريب، لتقدير نواتج ضرب الأعداد العشرية.

خمستاشر وتمنية من عشرة، هتساوي تقريبًا ستاشر؛ لأنها أقرب لستاشر، من خمستاشر. في خمسة. ستاشر في خمسة، هيساوي تمانين. وبكده أقدر أقول إنه يشتري محمد تقريبًا تمانين كيلوجرام من الأسمنت، في خمس أسابيع.

نكمّل في الصفحة اللي جايّة. مثال: رسم أحمد ميتين تسعة وتلاتين وردة في الدقيقة. فكم عدد الورود اللي رسمها أحمد في يوم كامل؟

هنلاحظ إنه اليوم فيه أربعة وعشرين ساعة، والساعة فيها ستين دقيقة. إذن عشان أجيب عدد الورود اللي رسمها أحمد في يوم كامل. هجيب ناتج ضرب ميتين تسعة وتلاتين، في أربعة وعشرين، في ستين. هيساوي تقريبًا … ميتين تسعة وتلاتين هتساوي تقريبًا ميتين. في … أربعة وعشرين هتساوي تقريبًا عشرين. في … ستين هتفضل زيّ ما هي.

يبقى إحنا كده بنقدّر ناتج الضرب. يعني هيساوي تقريبًا … عندي أربع أصفار، هكتبهم. وبعدين اتنين في اتنين، بأربعة. أربعة في ستة، بأربعة وعشرين. يعني تقريبًا ميتين وأربعين ألف وردة، في اليوم الواحد. هنلاحظ كمان إنه ممكن نستعمل الآلة الحاسبة، عشان نضرب الأعداد الكبيرة. ودايمًا هنبتدي بالتقدير.

عشان نجيب الناتج الحقيقي، هنستعمل الآلة الحاسبة. هكتب ميتين تسعة وتلاتين. وبعدين هضغط علامة الضرب. وبعدين اكتب أربعة وعشرين. وبعدين هضغط علامة الضرب. وبعدين هكتب ستين. وبعدين هضغط يساوي. هلاحظ إن الإجابة هي تلتمية أربعة وأربعين ألف ومية وستين. يعني أحمد رسم تلتمية أربعة وأربعين ألف ومية وستين وردة في اليوم الكامل.

هنكمّل في الصفحة اللي جايّة. تدريبات: قدّر ناتج ضرب كلٍّ مما يلي. رقم واحد: اتنين في أربعة وعشرة من مية. اتنين هتفضل زيّ ما هي. في … أربعة وعشرة من مية، هتساوي تقريبًا أربعة. هضرب اتنين في أربعة، هيساوي تمنية. يعني ناتج الضرب هيساوي تقريبًا تمنية.

رقم اتنين: خمسة في اتناشر وخمسة وستين من مية. هتفضل زيّ ما هي خمسة. في … اتناشر وخمسة وستين من مية، هتساوي تقريبًا تلتاشر. يعني هضرب خمسة في تلتاشر، هيساوي خمسة وستين. وبكده أقدر أقول إن ناتج الضرب هيساوي تقريبًا خمسة وستين.

رقم تلاتة: تمنتاشر وأربعة من عشرة، في عشرة. تمنتاشر وأربعة من عشرة، هتساوي تقريبًا تمنتاشر. في … عشرة هتفضل زيّ ما هي. يعني تمنتاشر في عشرة، هيساوي مية وتمانين. يعني ناتج الضرب هيساوي تقريبًا مية وتمانين.

وبكده هنكون اتعلمنا إزاي نحلّ مسائل الضرب، التي تتضمن الفلوس والأعداد الكبيرة. وأخدنا أمثلة من واقع الحياة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.