فيديو: تحديد العدد الذي يكون لرقم مُعطًى فيه قيمة معينة

في أيٍّ من الأعداد التالية يمثِّل الرقم ٨ القيمة ٨٠٠٠٠٠؟

٠٢:٠٩

‏نسخة الفيديو النصية

في أيٍّ من الأعداد التالية يمثل الرقم تمنية القيمة تمنمية ألف؟

هنستخدم جدول القيم المكانية ونحط بداخله مجموعة الأعداد اللي عندنا كل رقم من الأرقام اللي بتتكون منها في الخانة المكانية المناسبة، عشان نقدر نعرف أي عدد منهم بيمثل فيه الرقم تمنية القيمة المطلوبة اللي هي تمنمية ألف. هنبدأ بالعدد الأول، هنلاقي عندنا صفر في خانة الآحاد، وفيه خمسة هتبقى في خانة العشرات، الأربعة هتبقى في خانة المئات، والتمنية هتبقى في خانة الألوف، السبعة هتبقى عشرات الألوف، اتنين هتبقى في خانة ميات الألوف، يبقى كده العدد ده ما فيهوش حاجة لا في خانة الملايين ولا عشرات الملايين.

العدد التاني اللي عندنا هنلاقي فيه تسعة في خانة الآحاد، وسبعة في خانة العشرات، وصفر في خانة الميات، اتنين في خانة الألوف، وتمنية في خانة عشرات الألوف.

بنفس الطريقة هنكتب الأرقام اللي بيتكون منها العدد التالت في جدول القيم المكانية بالشكل ده، وبعدين الأرقام اللي بيتكون منها العدد الرابع، وبنفس الطريقة الأرقام اللي بيتكون منها العدد الخامس.

دلوقتي عايزين نشوف إيه من الأعداد اللي عندنا دي موجود فيها الرقم تمنية وقيمته بتساوي تمنمية ألف؟ عشان الرقم تمنية يبقى قيمته تمنمية ألف، يبقى ده معناه إن هو موجود في خانة مئات الألوف، لو بصينا جوه جدول القيم المكانية هنلاقي إن في خانة مئات الألوف ما فيش غير تمنية واحدة بس، اللي هي دي، يعني قيمتها تساوي تمنمية ألف، واللي موجودة في العدد رقم أربعة؛ يبقى العدد رقم أربعة هو ده العدد اللي موجود فيه الرقم تمنية وقيمته بتساوي تمنمية ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.