تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد معكوس الدالة لدالة خطية معطاة

أحمد لطفي

أوجد الدالة العكسية للدالة د(ﺱ) = (٣/١)ﺱ + ٢.

٠١:١٤

‏نسخة الفيديو النصية

أوجد الدالة العكسية للدالة د س بتساوي واحد على تلاتة، س، زائد اتنين.

في البداية هنفرض إن د س بتساوي ص. فهيكون عندنا ص بتساوي واحد على تلاتة، س، زائد اتنين. تاني خطوة محتاجين نوجد س بدلالة ص. فهنطرح اتنين من الطرفين، يعني هيكون عندنا ص ناقص اتنين بتساوي واحد على تلاتة، س. هنضرب الطرفين في تلاتة، فهيكون عندنا تلاتة مضروبة في، ص ناقص اتنين؛ بتساوي س.

الخطوة اللي بعد كده هنبدّل؛ هنكتب مكان ص س، وهنكتب مكان س ص. يعني هيكون عندنا تلاتة مضروبة في، س ناقص اتنين؛ بيساوي ص. وبالتالي ص في الحالة دي، هتعتبر هي الدالة العكسية للدالة د س. يعني هنكتبها في صورة الدالة العكسية للدالة د س، هتساوي تلاتة مضروبة في، س ناقص اتنين.

يبقى كده قدرنا نوجد الدالة العكسية للـ د س. وكانت بتساوي تلاتة مضروبة في، س ناقص اتنين.