فيديو: عد مربعات الوحدة لإيجاد مساحة شكل مستوٍ

حدِّد الشكل الذي مساحته ١٧ وحدة مربعة. [أ] شكل ١ [ب] شكل ٢ [ج] شكل ٣ [د] شكل ٤

٠٢:١٣

‏نسخة الفيديو النصية

حدد الشكل الذي مساحته سبعتاشر وحدة مربعة.

عندنا الأربع أشكال اللي قدامنا دول، وعاوزين نعرف أيّ شكل فيهم هو اللي مساحته سبعتاشر وحدة مربعة. فهناخد شكل شكل، ونبدأ نحسب مساحته. علشان نحسب مساحة الشكل، بنعدّ المربعات اللي بتمثله، فنيجي مثلًا للشكل الأولاني ده اللي هو الأزرق، ونعدّ عدد المربعات اللي فيه؛ واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر. طلع مساحته اتناشر وحدة مربعة، يبقى مش هو الصح؛ لأن إحنا اللي عاوزينه سبعتاشر وحدة مربعة.

طيب نشوف كده الشكل اللي بعده، اللي هو الشكل البنفسجي؛ واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستّاشر، سبعتاشر، تمنتاشر، تسعتاشر، عشرين، واحد وعشرين، ما طلعش سبعتاشر برضو، يبقى مش هو الاختيار الصح.

نيجي للشكل الأصفر؛ واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، طلع خمستاشر، برضو مش هو الإجابة الصح.

نيجي لآخر شكل اللي هو الأخضر؛ واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستّاشر، سبعتاشر، آه هو ده اللي طلع مساحته سبعتاشر وحدة مربعة؛ يبقى الشكل اللي نختاره هو الشكل الأخضر ده، ده الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.