فيديو: استخدام مصفوفة لتمثيل التجاور في شبكة

اكتب مصفوفة المجاورة للشبكة الموضحة.

٠٢:٠٧

‏نسخة الفيديو النصية

اكتب مصفوفة المجاورة للشبكة الموضَّحة.

بالنظر للشكل، هنلاحظ إن فيه تلات نقاط التقاء. وده معناه إننا هنعبّر عن الشكل بمصفوفة على النظم تلاتة في تلاتة. كل عنصر من عناصر المصفوفة بيعبّر عن اتصال نقطة التقاء بنقطة أخرى. وكل سهم من الأسهم اللي على الشكل بيعبّر عن اتجاه الصلة دي. بالنظر إلى نقط الالتقاء واحد هنلاحظ إن ما فيش أي أسهم خرجت منها لنفسها أو باتجاه أي نقطة التقاء أخرى. فبالتالي الصف الأول من المصفوفة هيتكوّن من تلات أصفار.

نتنقل بعد كده لنقطة الالتقاء اتنين. فنقدر نلاحظ إن فيه سهمين خرجوا منها باتِّجاه نقطة التقاء واحد. فنكتب اتنين في العنصر الأول في الصف التاني. وهنلاقي إن ما فيش أي أسهم خرجت منها لنفسها. فبالتالي هيبقى العنصر التاني بيساوي صفر. وهنلاقي إن فيه سهم واحد خرج من نقطة الالتقاء اتنين إلى نقطة الالتقاء تلاتة. فبالتالي العنصر التالت هيساوي واحد.

بالنسبة لنقطة الالتقاء تلاتة. هنلاحظ إن ما فيش أي أسهم خرجت منها باتِّجاه نقطة الالتقاء واحد. فبالتالي هيبقى العنصر الأول في الصف التالت بيساوي صفر. وهنلاقي إن فيه سهم واحد خرج من نقطة الالتقاء تلاتة إلى نقطة الالتقاء اتنين. فبالتالي العنصر التاني في الصف هيكون واحد. وبرضو نقدر نلاحظ إن فيه سهم خرج من نقطة الالتقاء تلاتة لنفسها. فبالتالي العنصر التالت هيساوي واحد.

تبقى مصفوفة المجاورة للشبكة هي صفر صفر صفر، اتنين صفر واحد، صفر واحد واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.