فيديو: إيجاد الثمن المدفوع لكمية مختلفة من العناصر بمعلومية ثمن الوحدة

ذهب رجل إلى السوق واشترى ٥ كيلوجرامات من الجوافة، و٤ كيلوجرامات من البروكلي، وكيلوجرامين من الموز، و٣ كيلوجرامات من الطماطم، و٦ كيلوجرامات من الجزر. استخدم الجدول لحساب المبلغ الذي أنفقه.

٠٢:٢٠

‏نسخة الفيديو النصية

ذهب رجل إلى السوق. واشترى خمسة كيلوجرامات من الجوافة، وأربعة كيلوجرامات من البروكلي، وكيلوجرامين من الموز، وتلاتة كيلوجرامات من الطماطم، وستة كيلوجرامات من الجزر. استخدم الجدول لحساب المبلغ الذي أنفقه. عندنا كل نوع وسعر الكيلوجرام الواحد بالجنيه. فاصوليا خضراء: تلاتة. ليمون: أربعة. طماطم: اتنين. بروكلي: خمسة. جزر: تلاتة. فلفل: أربعة. موز: تسعة. تفاح: عشرة. بطاطس: خمسة. عنب: تسعة. جوافة: سبعة. مانجو: تمنية.

عندنا أول حاجة الرجل اشتراها هي خمسة كيلوجرامات من الجوافة. هيبقى سعر الجوافة … سعر الكيلوجرام الواحد من الجوافة سبعة. وهو اشترى خمسة كيلوجرام. وتمن الكيلوجرام الواحد سبعة. يبقى سبعة مضروبة في خمسة. وده بيساوي خمسة وتلاتين جنيهًا.

بعد كده عايزين نجيب سعر البروكلي. تمن الكيلوجرام الواحد من البروكلي هو خمسة. سعر البروكلي بيساوي تمن الكيلوجرام الواحد من البروكلي؛ خمسة، مضروب في عدد الكيلوجرامات. هو اشترى أربعة. يبقى خمسة مضروبة في أربعة. وده بيساوي عشرين جنيهًا.

بعد كده سعر الموز. تمن الكيلوجرام الواحد من الموز تسعة، مضروب في عدد الكيلوجرامات. يعني تسعة مضروبة في اتنين. وده بيساوي تمنتاشر جنيهًا. ثم سعر الطماطم. تمن الكيلوجرام الواحد اتنين، وهو اشترى تلاتة كيلوجرام. اتنين في تلاتة بيساوي ستة؛ ستة جنيهات. آخر حاجة عندنا هي الجزر. سعر الكيلوجرام الواحد من الجزر تلاتة. ونلاحظ إن كل الأسعار دي بالجنيه. مضروبة في عدد الكيلوجرامات؛ ستة. تلاتة في ستة، تمنتاشر جنيهًا، سعر الجزر.

وهيبقى المبلغ اللي الرجل أنفقه هو مجموع سعر الجوافة، زائد سعر البروكلي، زائد سعر الموز، زائد سعر الطماطم، زائد سعر الجزر. خمسة وتلاتين، زائد عشرين، زائد تمنتاشر، زائد ستة، زائد تمنتاشر ده بيساوي سبعة وتسعين جنيهًا.

ويكون المبلغ الذي أنفقه الرجل سبعة وتسعين جنيهًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.