فيديو: تحويل التمثيلات البيانية بالقياس والانتقال

يوجد على اليسار التمثيل البياني لـ د(ﺱ)، وعلى اليمين التمثيل البياني لـ ﺃد(ﺱ) + ﺏ لبعض أعداد ﺃ، ﺏ. ما زوج (ﺃ، ﺏ)؟

٠٢:٢٥

‏نسخة الفيديو النصية

يوجد على اليسار التمثيل البياني للـ د س، وعلى اليمين التمثيل البياني للـ أ مضروبة في الـ د س زائد الـ ب لبعض أعداد أ وَ ب، ما زوج الـ أ والـ ب؟

في الرسم اللي قدامنا ده، النقطة دي طلعت لفوق بقت هنا، يعني معناها إنها حصل لها توسُّع رأسي إلى أعلى؛ يبقى معنى كده إن فيه قيمة اتضربت في الدالة د س خلّت النقطة بدل ما كانت هنا بقت لفوق، يبقى حصل تمدُّد رأسي له قيمة أ، عايزين نعرف قيمتها كام، فهنشوف هنا المنحنى كانت أعلى نقطة وأقل نقطة المسافة ما بينهم كام مربع تقريبًا، هنلاقي واحد اتنين تلاتة أربعة خمسة ستة سبعة تمنية تسعة، وحوالي ربع. وبقت من هنا لهنا واحد اتنين تلاتة أربعة خمسة ستة سبعة تمنية تسعة عشرة حداشر اتناشر تلتاشر أربعتاشر خمستاشر ستاشر سبعتاشر تمنتاشر تسعتاشر؛ معنى كده إنها اتضربت في اتنين، وده معناه إن الـ أ قيمتها اتنين.

قيمة الـ ب دي بتعمل إزاحة رأسية إلى أعلى أو إلى أسفل للمنحنى، هنلاحظ إن المنحنى حصل له إزاحة إلى أسفل؛ لأن لمّا حصل التمدد إلى أعلى، المفروض إن هو بيزيد لفوق جميع القيم، لكن هنا هنلاحظ إن عند الـ ص يساوي صفر نزل لتحت بقيمة سالب تلاتة، يعني نزل إلى أسفل تلات وحدات، وهي دي القيمة اللي مسؤولة عنها الـ ب؛ يبقى معنى كده إن الـ ب هتساوي سالب تلاتة، حصل إزاحة إلى أسفل بقيمة تلات وحدات، وحصل تمدُّد بقيمة اتنين. يبقى الزوج المرتب أ وَ ب هيبقى اتنين وسالب تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.