تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تكوين معادلة لوصف انتقال دالة معطاة

أحمد لطفي

نُقلت الدالة ﺹ = (ﺱ − ١)(٢ﺱ − ٣)(٤ − ﺱ) وحدتين في الاتجاه الموجب لمحور السينات. ما معادلة الدالة الناتجة؟

٠١:٥١

‏نسخة الفيديو النصية

نُقلت الدالة: ص بتساوي س ناقص واحد مضروبة في اتنين س ناقص تلاتة مضروبة في أربعة ناقص س وحدتين في الاتجاه الموجب لمحور السينات. ما معادلة الدالة الناتجة؟

في البداية لو كان عندنا دالة مثلًا د س، ونقلت وحدتين في الاتجاه الموجب لمحور السينات، فهتكون د س ناقص اتنين، يعني هنعوّض مكان س بـ س ناقص اتنين؛ وبالتالي بما إن الدالة ص نقلت وحدتين في الاتجاه الموجب لمحور السينات، فهنعوّض في الدالة ص مكان س بـ س ناقص اتنين، فهيكون عندنا ص هتساوي س ناقص اتنين ناقص واحد، مضروبة في اتنين مضروبة في س ناقص اتنين ناقص تلاتة، مضروبة في أربعة ناقص س ناقص اتنين.

يعني ص هتساوي س ناقص اتنين ناقص واحد، هتكون س ناقص تلاتة، مضروبة في … هنضرب اتنين في كل حد بداخل القوس المضروبة فيها، فهيكون عندنا اتنين س ناقص أربعة ناقص تلاتة، مضروبة في أربعة ناقص س زائد اتنين، يعني ص هتساوي س ناقص تلاتة، مضروبة في اتنين س ناقص سبعة، مضروبة في ستة ناقص س.

وبالتالي الدالة الناتجة للدالة ص بتساوي س ناقص واحد، مضروبة في اتنين س ناقص تلاتة، مضروبة في أربعة ناقص س، بعد الانتقال وحدتين في الاتجاه الموجب لمحور السينات، هتكون ص بتساوي س ناقص تلاتة، مضروبة في اتنين س ناقص سبعة، مضروبة في ستة ناقص س.