فيديو: تحديد احتمال وقوع حدث

يوضِّح الجدول التالي نتائج استطلاع رأي أُجري لمعرفة وجبة الإفطار المفضَّلة لدى ٢٠ طالبًا. إذا اختير طالب عشوائيًّا، فما احتمال أنه يُفضِّل البطاطس المقلية؟

٠١:٤٥

‏نسخة الفيديو النصية

يوضّح الجدول التالي نتائج استطلاع رأي أُجري لمعرفة وجبة الإفطار المفضلة لدى عشرين طالبًا. إذا اختير طالب عشوائيًّا فما احتمال أن يفضل البطاطس المقلية؟

الجدول اللي عندنا بيوضّح نوع الإفطار وعدد الطلاب اللي بيفضلوه؛ فإفطار البطاطس المقلية بيفضّله عشرة طلاب، وإفطار الفطائر بيفضّله اتنين من الطلاب، وإفطار الجُبن بيفضّله تمن طلاب.

مطلوب مننا نحدد لو اخترنا طالب عشوائيًّا، نحدد احتمال إنه يطلع بيفضّل البطاطس المقلية. يبقى نقدر نحسب احتمال إن الطالب يطلع بيفضّل البطاطس المقلية، بإننا هنقسم عدد الطلاب اللي بيفضّلوا البطاطس المقلية اللي هو ظاهر عندنا من الجدول عشرة، على عدد الطلاب الكلي، عدد الطلاب الكلي محل الدراسة اللي إحنا بنعملها، اللي هو مجموع عدد الطلاب اللي مذكور عندنا في التلات خانات بتوع الجدول؛ يعني عشرة زائد اتنين زائد تمنية.

فكده الاحتمال المطلوب هيساوي … عدد الطلاب اللي بيفضّلوا تناول البطاطس المقلية عَ الإفطار هو عشرة، وهنجمع عدد الطلاب الكلي، فهيبقى بيساوي عشرة على عشرين. بس ما ينفعش نسيب الاحتمال وهو مكتوب بالشكل ده؛ لأن لسه ما زال فيه عامل مشترك بين البسط والمقام، لازم الاحتمال نكتبه في أبسط صورة، هنقسم البسط والمقام على العامل المشترك الأكبر اللي هو عشرة؛ فهيصبح دلوقتي الاحتمال هو نُص.

يبقى ده معناه إن نُص الطلاب اللي أجرينا عليهم الدراسة اللي قدامنا دي بيفضّلوا تناول البطاطس المقلية على الإفطار.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.