فيديو: التقدير بمجموعات العشرات

يوضح الفيديو كيفية تقدير أعداد الأشكال باستخدام مجموعات العشرات، وأمثلةً عليها.

٠٢:١٢

‏نسخة الفيديو النصية

التقدير بمجموعات العشرات.

في الفيديو ده هنتعلّم إزاي نقدّر أعداد الأشكال باستخدام مجموعات العشرات.

نقدر نستخدم التقدير لمعرفة عدد الأشياء اللي قدّامنا عن طريق إننا بنقسّمهم لمجموعات مكوّنة من عشرة، وبعدين نقدّر عددها. يعني مثلًا هتظهر قدّامنا مجموعة من النحل، وعاوزين نعرف عددهم أقرب لتلاتين، ولّا لخمسين.

فهنحطّ كل عشر نحلات مع بعض بالشكل ده. كده عشرة، وكده عشرة، وكده عشرة. وعدد النحل اللي اتبقّى أقل من عشرة. يعني عندنا تلات مجموعات، كل مجموعة فيها عشر نحلات، يعني مجموعهم تلاتين نحلة. يبقى عدد النحل أقرب لتلاتين. طيّب نتنقل لصفحة تانية.

هيظهر قدّامنا مجموعة من الفراشات. فهل عددهم أقرب لعشرين، ولّا لأربعين؟

برضو بنفس الطريقة هنحطّ كل عشر فراشات مع بعض. يبقى كده مجموعتين، والباقي فراشة واحدة. والمجموعتين كل مجموعة فيها عشر فراشات، يعني المجموعتين فيهم عشرين فراشة. يبقى العدد أقرب لعشرين. طيّب نتنقل لصفحة تانية.

هتظهر قدّامنا مجموعة من العصافير، وعاوزين نعرف هل عددهم أقرب لتلاتين، ولّا لستين، ولّا لتسعين.

بنفس الطريقة هنحطّ كل عشر عصافير مع بعض. يبقى كده عندنا ست مجموعات، والباقي أقل من عشرة. يبقى عدد العصافير أقرب لستين.

وبكده نبقى خلّصنا الفيديو ده اللي اتعلّمنا فيه إزاي نقدّر أعداد الأشكال باستخدام مجموعات العشرات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.