فيديو: تبسيط المعادلات ذات المتغير الواحد وبها كسور متشابهة المقامات‎‎

أيٌّ من المعادلات التالية مساوٍ للمعادلة ٣/٢ ﺱ + ٣/١١ = ٤؟ [أ] ٦س + ١١ = ١٢ [ب] ٢س + ١١ = ٤ [ج] ٦س + ١١ = ١٢ [د] ٢س + ١١ = ١٢ [ﻫ] ٦س + ٣٣ = ٤

٠٢:٠٣

‏نسخة الفيديو النصية

أيٌّ من المعادلات التالية مساوٍ للمعادلة: اتنين على تلاتة س، زائد حداشر على تلاتة، يساوي أربعة؟ عندنا اختيارات. الاختيار أ هو: ستة س زائد حداشر يساوي اتناشر. الاختيار ب هو: اتنين س زائد حداشر يساوي أربعة. الاختيار ج هو: ستة س زائد حداشر يساوي اتناشر. الاختيار د هو: اتنين س زائد حداشر يساوي اتناشر. الاختيار ﻫ هو: ستة س زائد تلاتة وتلاتين يساوي أربعة.

بالنسبة للمعادلة اللي عندنا، فهي: اتنين على تلاتة س، زائد حداشر على تلاتة، يساوي أربعة. في الطرف الأيمن من المعادلة اللي عندنا، هنلاقي إن فيه عندنا كسرين ليهم نفس المقام، اللي هو تلاتة. فبالتالي نقدر نجمع الكسرين دول. ولمَّا بنجمع كسرين ليهم نفس المقام، بيكون بسط الناتج عبارة عن مجموع البسطين بتوع الكسرين. أمّا المقام، فبيكون نفس مقام الكسرين. فلمَّا هنجمع الكسرين الموجودين في الطرف الأيمن من المعادلة، هيبقى عندنا اتنين س زائد حداشر، على تلاتة يساوي أربعة.

بعد كده هنقدر نتخلّص من التلاتة اللي موجودة في المقام، من خلال إن إحنا هنضرب طرفَي المعادلة، في تلاتة. فلمَّا هنضرب طرفَي المعادلة في تلاتة، هيبقى عندنا تلاتة في؛ اتنين س زائد حداشر، على تلاتة، يساوي تلاتة في أربعة. وبكده بعد ما ضربنا تلاتة في الطرفين بتوع المعادلة، هنقدر نختصر التلاتة اللي موجودة في المقام. فبالتالي الطرف الأيمن هيبقى عبارة عن اتنين س زائد حداشر. أمّا بالنسبة للطرف الأيسر، فهو عبارة عن تلاتة في أربعة. وتلاتة في أربعة يساوي اتناشر.

يعني معنى كده إن الطرف الأيسر هيبقى اتناشر. فبالتالي المعادلة هتبقى عبارة عن اتنين س زائد حداشر يساوي اتناشر. معنى كده إن المعادلة اللي هتساوي المعادلة: اتنين على تلاتة س، زائد حداشر على تلاتة، يساوي أربعة؛ هي المعادلة: اتنين س زائد حداشر يساوي اتناشر. ولمَّا هنرجع للاختيارات اللي عندنا، هنلاقي إن الإجابة هتبقى هي الاختيار د. وهو: اتنين س زائد حداشر يساوي اتناشر. وبكده يبقى إحنا أوجدنا المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.