فيديو: إيجاد مجال ومدى الدالة

عيِّن مجال ومدى الدالة الآتية: القاعدة هي ﺹ = ٥ﺱ + ٩، ﺱ ∈ {١، ٢، ٣، ٤}.

٠١:٣٦

‏نسخة الفيديو النصية

عيّن مجال ومدى الدالة الآتية: القاعدة هي ص يساوي خمسة س زائد تسعة. س تنتمي لمجموعة واحد، اتنين، تلاتة، وأربعة.

عايزين نعرف في الأول إيه هو المجال. المجال هو مجموعة مُدخَلات الدالة، أو مجموعة قيم س اللي إحنا بندخّلها للدالة. وهيبقى المجال بيساوي مجموعة واحد، اتنين، تلاتة، وأربعة. لأن هي دي قيم س اللي إحنا دخّلناها للدالة. أمَّا المدى، فهو مجموعة مُخرَجات الدالة. يعني الحاجات اللي بتخرج مِ الدالة، اللي هي قيم ص.

الدالة عندنا ص يساوي خمسة س زائد تسعة. هنعوّض كل مرة عن قيمة س؛ مرة بواحد، مرة باتنين، مرة بتلاتة، مرة بأربعة. هنعوّض عن قيمة س أول مرة بواحد. هتبقى ص بتساوي خمسة مضروبة في واحد، زائد تسعة. وده بيساوي أربعتاشر. بعد كده هنعوّض عن قيمة س باتنين. هيبقى ص بيساوي خمسة مضروبة في اتنين، زائد تسعة. وده بيساوي تسعتاشر. وبعد كده نعوّض عن قيمة س بتلاتة. هتبقى ص بتساوي خمسة مضروبة في تلاتة، زائد تسعة. وده بيساوي أربعة وعشرين. وأخيرًا هنعوّض عن قيمة س بأربعة. هتبقى ص بتساوي خمسة مضروبة في أربعة، زائد تسعة. وده بيساوي تسعة وعشرين.

وهيبقى المدى هو مجموعة مُخرَجات الدالة، اللي هي مجموعة قيم ص، اللي هي مجموعة أربعتاشر، تسعتاشر، أربعة وعشرين، تسعة وعشرين. وهيبقى مجال الدالة بيساوي مجموعة واحد، اتنين، تلاتة، وأربعة. والمدى بيساوي مجموعة أربعتاشر، تسعتاشر، أربعة وعشرين، وتسعة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.