فيديو: تحديد إذا ما كان جدول القيم الموضَّح يُمثِّل قيم دالة خطية أو لا

حدِّد هل يجب أن يكون جدول القيم التالية من دالة غير خطية، أم يمكن أن يكون من دالة خطية.

٠١:٢٨

‏نسخة الفيديو النصية

حدِّد هل يجب أن يكون جدول القيم التالية من دالة غير خطّية، أم يمكن أن يكون من دالة خطّية.

ومعطى عندنا الجدول اللي قدامنا، وعايزين نحدِّد هل القيم اللي في الجدول عندنا دي لازم تكون من دالة غير خطّية، ولّا ممكن تكون من دالة خطّية.

وخلينا نفتكر إن الدالة علشان تكون خطّية، لازم يكون معدَّل التغيّر للقيم ثابت. فهنيجي عند قيم س، وهنلاحظ إن القيم بتزيد بمعدَّل اتنين. يعني بنجمع اتنين على القيمة اللي قبلها؛ فيبقى عندنا صفر زادت اتنين بقت اتنين، زائد اتنين بقت أربعة، زائد اتنين بقت ستة.

وأمّا بالنسبة لقيم ص، فهنلاحظ إن القيمة بتزيد من تلاتة لأربعة؛ يعني زادت بمقدار واحد، وبنفس الطريقة من أربعة لخمسة بمقدار واحد، ومن خمسة لستة زادت بمقدار واحد. فبالتالي هيبقى معدَّل التغيّر بيساوي التغيّر في ص على التغيّر في س.

فمن الجدول هنلاحظ إن جميع قيم الجدول معدَّل التغيّر ليها ثابت؛ لأن جميع قيم الجدول معدَّل التغيّر ليها بيساوي نص، اللي هو التغيّر في ص على التغيّر في س.

وبالتالي بما إن معدَّل التغيّر ثابت، فبالتالي الدالة اللي عندنا ممكن تكون دالة خطّية. وبالتالي هتبقى إجابة السؤال إن جدول القيم التالية من الممكن أن يكون من دالة خطّية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.