تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: معرفة الدوال المثلثية من تمثيلها البياني

سوزان فائق

عين كل مخطط موضح في التمثيل البياني التالي بالدالة التي يمثلها.

٠١:١٢

‏نسخة الفيديو النصية

عيِّن كل مخطط موضَّح في التمثيل البياني التالي بالدالة التي يمثلها.

المخطط اللي لونه أحمر ده عبارة عن منحنى بيصل إلى أقصى قيمة بتاعته عند الواحد، وأقل قيمة له عند السالب واحد، وقيمته عند الصفر بتساوي الواحد، وقيمته عند الاتنين 𝜋 بتساوي الواحد، وقيمته عند الـ 𝜋 بسالب واحد، وهو ده المنحنى بالشكل القياسي لدالة جيب التمام، اللي هو بيبقى عند الزاوية صفر بواحد، وعند الزاوية اتنين 𝜋 بيبقى واحد، والدالة بتكرر نفسها كل اتنين 𝜋.

المخطط الأزرق عند الصفر بيساوي صفر، وعند الزاوية اتنين 𝜋 بيساوي صفر، وبيتكرر كل اتنين 𝜋 وأقصى قيمة بيصل لها الواحد، وأقل قيمة بيصل لها سالب واحد، يبقى دي الدالة القياسية لدالة الجيب، وهي دي الإجابة المطلوبة.