فيديو: إيجاد جميع القِيَم المجهولة في مثلث قائم الزاوية

بمعلومية الشكل التالي، أوجد طول كلٍّ من الضلع أب، الضلع أﺟ، وقياس ∠بﺟأ بالدرجات، موضحًا إجابتك لأقرب رقمين عشريين.

٠٢:٣٢

‏نسخة الفيديو النصية

بمعلومية الشكل التالي، اوجد طول كلٍّ من أ ب وَ أ ﺟ، وقياس الزاوية ب ﺟ أ بالدرجات، موضحًا إجابتك لأقرب رقمين عشريين.

لو بصينا للرسمة قدامنا، هنلاقي أن المثلث قائم الزاوية في أ. ونعرف قياس الزاوية ب، اللي هي تمنية وتلاتين درجة. علشان كده هنجيب كل ضلع هو إيه، بالنسبة للزاوية تمنية وتلاتين درجة. أ ﺟ بيقابل الزاوية ب، اللي هي تمنية وتلاتين درجة. علشان كده هيبقى هو المقابل. أمّا ﺟ ب، اللي هو تسعة، ده الوتر؛ لأنه بيقابل الزاوية القايمة. وَ أ ب هو المجاور للزاوية تمنية وتلاتين.

لو بصينا للنسب المثلثية التلاتة للزاوية ب، جيب الزاوية ب، جا ب بيساوي المقابل على الوتر. وجيب تمام الزاوية، جتا ب بيساوي المجاور على الوتر. وظل الزاوية ب بيساوي المقابل على المجاور. ما نعرفش لا المقابل ولا المجاور. وعشان كده هنشتغل بالجيب وبجيب التمام. جا ب بيساوي المقابل على الوتر. وهيبقى المقابل بيساوي الوتر مضروب في جا ب. الوتر تسعة. وَ جا ب جا تمنية وتلاتين. وهيبقى المقابل أ ﺟ بيساوي تقريبًا خمسة وأربعة وخمسين من مية.

ننتقل إلى جيب التمام. جتا ب بيساوي المجاور على الوتر. المجاور بيساوي الوتر في جيب تمام الزاوية ب. المجاور أ ب بيساوي الوتر تسعة، مضروبًا في جيب تمام الزاوية ب؛ جتا تمنية وتلاتين. وباستخدام الآلة الحاسبة، فإن أ ب هيساوي بالتقريب سبعة وتسعة من مية.

وننتقل إلى قياس الزاوية ب ﺟ أ. اللي هتساوي مجموع زوايا المثلث، مية وتمانين درجة. مطروح منها مجموع قياس الزاويتين الأُخرتين، تمنية وتلاتين زائد تسعين. وده بيساوي مية وتمانين ناقص مية تمنية وعشرين. بيساوي اتنين وخمسين درجة.

وبكده هيكون إجابة السؤال طول أ ب، لأقرب رقمين عشريين، سبعة وتسعة من مية. طول أ ﺟ، لأقرب رقمين عشريين، خمسة وأربعة وخمسين من مية. وقياس الزاوية ب ﺟ أ بيساوي اتنين وخمسين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.