فيديو: جمع الوقت

يوضِّح الجدول الآتي الوقت الذي يقضيه أحمد في أنشطته الصباحية. أوجد إجمالي الوقت الذي يستغرقه أحمد من استعداده حتى يصل عمله.

٠١:٤٩

‏نسخة الفيديو النصية

يوضح الجدول الآتي الوقت الذي يقضيه أحمد في أنشطته الصباحية، أوجد إجمالي الوقت الذي يستغرقه أحمد من استعداده حتى يصل عمله.

الوقت اللي بيقضيه أحمد في الأنشطة الصباحية بيساوي مجموع وقت الأنشطة، يبقى إجمالي الوقت هيساوي وقت الاستعداد في الصباح اللي هو اتنين وتلاتين دقيقة، زائد وقت السير إلى محطة الحافلة اللي هو تمنية وعشرين دقيقة، زائد وقت ركوب الحافلة إلى العمل اللي هو خمسة وخمسين دقيقة، زائد وقت السير من محطة الحافلة إلى العمل اللي هو تسع دقايق.

هنجمع أول عددين مع بعض وآخر عددين مع بعض باستخدام خاصية الدمج، فده هيساوي اتنين وتلاتين زائد تمنية وعشرين هيساوي ستين، زائد … خمسة وخمسين زائد تسعة هيساوي أربعة وستين؛ وستين زائد أربعة وستين هيساوي مية وأربعة وعشرين دقيقة.

عشان نعرف مية وأربعة وعشرين دقيقة بيساوي كام ساعة، هنقسم العدد مية وأربعة وعشرين على ستين، لأن الساعة فيها ستين دقيقة، فده هيساوي مية وعشرين على ستين زائد أربعة على ستين؛ مية وعشرين على ستين هتساوي اتنين، زائد أربعة على ستين اللي هيساوي اتنين وأربعة على ستين؛ ده معناه إن مية وأربعة وعشرين دقيقة هتساوي ساعتين وأربع دقايق، وهو ده إجمالي الوقت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.