فيديو: اختصار خارج قسمة الأعداد المركَّبة في الصورة الجبرية

سوزان فائق

بسِّط (٤ + ﺕ)/(٤ − ﺕ).

٠٢:٠١

‏نسخة الفيديو النصية

بسّط: أربعة زائد ت، على أربعة ناقص ت.

الأربعة زائد الـ ت والأربعة ناقص ت، دول أعداد مركّبة، ومقسومين على بعض. وعلشان نبسّطها، هنضرب في مرافق المقام. فلو عندنا عدد مركب ع بيساوي س زائد ص ت، فإن المرافق له بيساوي الـ س ناقص الـ ص ت. وحاصل ضرب العدد في المرافق بتاعه، بيساوي مربع القيمة الحقيقية، زائد مربع القيمة التخيلية. فالمقام هنا أربعة ناقص ت. المرافق له هيبقى أربعة زائد ت. يعني هنضرب بسْط ومقام في أربعة زائد الـ ت.

فالبسط هيبقى أربعة زائد الـ ت الكل تربيع. على مربع العدد الحقيقي، اللي هو أربعة تربيع. زائد مربع العدد التخيلي، اللي هو الواحد اللي مضروبة في الـ ت دي، هتبقى واحد تربيع. هيساوي … أربعة زائد ت الكل تربيع هنفكّها. هتبقى مربع الأول، اللي هو ستاشر. زائد … ضعف الأول في التاني يبقى اتنين في أربعة ت. زائد مربع التاني؛ زائد ت تربيع. والكل ده مقسوم على سبعتاشر.

الـ ت تربيع في الأعداد المركبة، اللي هي بتمثّل السالب واحد. يبقى هنعوّض عن دي بسالب واحد. يبقى كل ده هيساوي … ستاشر ناقص الواحد بخمستاشر، زائد تمنية ت؛ على سبعتاشر. ويبقى هي دي الصورة المبسّطة لأربعة زائد ت، على الأربعة ناقص الـ ت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.