تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: وحدات الطول غير القياسية

نهال عصمت

يتناول الفيديو طريقة قياس الطول باستخدام وحدات طول غير قياسية، وأمثلة توضح ذلك.

٠٣:٤٨

‏نسخة الفيديو النصية

وحدات الطول غير القياسية.

هنعرف إزاي نقدر نقياس الطول باستخدام وحدات غير قياسية. الوحدات الغير قياسية، زيّ المكعب مثلًا، أو دبوس الورق اللي هو مشبك الورق. عايزين نعرف إزاي نقدر نستخدم المكعب، أو مشبك الورق، في قياس الطول. هنجيب صفحة جديدة، ونشوف هنستخدمهم إزاي.

لو عندنا قلم بالشكل ده، وعايزين نقيس طوله باستخدام المكعب. أول حاجة هنبدأ نحدّد أول القلم بالشكل ده، وآخِر القلم بالشكل ده. هنلاقي إن القلم عبارة عن واحد، اتنين، تلاتة، أربعة، خمسة؛ خمس مكعبات. يعني طول القلم يساوي خمس مكعبات. يبقى كده قدرنا نستخدم المكعب في قياس طول القلم.

طب لو عايزين نستخدم مشبك الورق في قياس طول الجزرة، هنعمل إيه؟ هنبدأ نعمل نفس الكلام. هنحدّد أول الجزر بالشكل ده، وهنحدّد نهاية الجزر بالشكل ده. هنلاقي إن الجزرة عبارة عن واحد، اتنين، تلاتة، أربعة، خمسة، ستة؛ ست مشابك ورق. وبالتالي طول الجزر يساوي ستة مشابك ورق.

يبقى استخدمنا المكعبات ومشابك الورق في قياس طول الأشياء؛ زيّ القلم، وزيّ الجزر. نجيب صفحة جديدة، ونشوف مثال تاني.

لو عندنا ذرة بالشكل ده، وعايزين نقيس طولها باستخدام المكعب. هنبدأ نحدّد أول الدرة بالشكل ده، ونهاية الدرة بالشكل ده. هنلاقي إن الدرة عبارة عن واحد، اتنين، تلاتة، أربعة، خمسة، ستة، سبعة، تمنية، تسعة، عشرة. يعني طول الذرة يساوي عشر مكعبات.

يبقى كده قدرنا نستخدم وحدات غير قياسية في إيجاد طول الدرة، والقلم، والجزر. يبقى كده اتكلمنا عن وحدات الطول غير القياسية.