فيديو السؤال: كتابة أول خمسة مضاعفات للأعداد حتى ١٠ | نجوى فيديو السؤال: كتابة أول خمسة مضاعفات للأعداد حتى ١٠ | نجوى

فيديو السؤال: كتابة أول خمسة مضاعفات للأعداد حتى ١٠

المضاعفات الخمسة الأولى للعدد ٤ هي ٤، ٨، ١٢، ١٦، ٢٠. ما المضاعفات الخمسة الأولى للعدد ٩؟

٠١:٣١

نسخة الفيديو النصية

المضاعفات الخمسة الأولى للعدد أربعة هي: أربعة، تمنية، اتناشر، ستاشر، عشرين. ما المضاعفات الخمسة الأولى للعدد تسعة؟

زي ما إحنا شايفين في الشكل اللي قدامنا، بنجيب المضاعفات إزاي. إحنا لمّا بنيجي نجيب مضاعفات العدد أربعة، بنضربه. أول مضاعف عشان نجيبه، بنضرب في واحد، يبقى المضاعف اللي عندنا اللي هو أربعة. المضاعف اللي بعد كده، بنضرب أربعة في اتنين، يبقى المضاعف اللي بعد كده هنحصل عليه تمنية. المضاعف التالي، هنضرب أربعة في تلاتة، ويبقى المضاعف اتناشر. المضاعف اللي بعد كده، هنضرب العدد في أربعة، يدّينا ستاشر. المضاعف اللي بعد كده، هنضرب العدد اللي عندنا في خمسة، فيبقى المضاعف عشرين.

يبقى بنفس الطريقة، عشان نوجد المضاعفات الخمسة الأولى للعدد تسعة، هنبدأ نجيب أول مضاعف، إننا هنضرب تسعة في واحد. حاصل ضربهم هيبقى أول مضاعف، اللي هو تسعة. المضاعف اللي بعد كده، هيبقى حاصل ضرب تسعة في اتنين، اللي هو هيبقى تمنتاشر. أمّا المضاعف التالي، هيبقى حاصل ضرب تسعة في تلاتة، اللي هو هيبقى سبعة وعشرين. المضاعف اللي بعده، هيبقى حاصل ضرب تسعة في أربعة، واللي هيبقى ستة وتلاتين. المضاعف اللي بعد كده، هيبقى حاصل ضرب تسعة في خمسة، واللي هيطلع بيساوي خمسة وأربعين.

وبالتالي يبقى كده قدرنا نوجد المضاعفات الخمسة الأولى للعدد تسعة، هتبقى: تسعة، تمنتاشر ، سبعة وعشرين، ستة وتلاتين، وخمسة وأربعين.

انضم إلى نجوى كلاسيز

شارك في الحصص المباشرة على نجوى كلاسيز وحقق التميز الدراسي بإرشاد وتوجيه من مدرس خبير!

  • حصص تفاعلية
  • دردشة ورسائل
  • أسئلة امتحانات واقعية

تستخدم «نجوى» ملفات تعريف الارتباط لضمان حصولك على أفضل تجربة على موقعنا. اعرف المزيد عن سياسة الخصوصية