تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حساب قيم التوقع

سوزان فائق

يوضح الجدول التكراري عدد السيارات التي تمتلكها ٦٥ عائلة. أوجد الوسط الحسابي لعدد السيارات لكل عائلة. يمكن التعبير عن تلك البيانات كدالة توزيع احتمالي للمتغيِّر العشوائي المتقطع س، كما هو موضَّح. أوجد قيمة كلٍّ من أ، ب، ج، د.

٠٣:٦٠

‏نسخة الفيديو النصية

يوضح الجدول التكراري عدد السيارات التي تمتلكها خمسة وستين عائلة، الجدول اللي قدامنا فيه عدد السيارات لما تكون واحد التكرار بيبقى عشرة، لما تكون اتنين بيبقى التكرار خمسة وتلاتين، لما بتكون تلاتة بيبقى تكرار خمستاشر، لما بتكون أربعة بيبقى التكرار خمسة. اوجد الوسط الحسابي لعدد السيارات لكل عائلة.

يمكن التعبير عن تلك البيانات كدالة توزيع احتمالي للمتغيِّر العشوائي المتقطع س، كما هو موضَّح اوجد قيمة كلٍّ من أ و ب و ج و د، في الجدول فيه س بتساوي واحد قدامها الاحتمالية للـ س بتساوي أ، ولما هتساوي اتنين يبقى الاحتمالية هتبقى ب، لما تساوي تلاتة يبقى الاحتمالية هتبقى ج، لما بتساوي أربعة يبقى الاحتمالية هتبقى د.

هنحل الجزء الأول من السؤال اللي هو اوجد الوسط الحسابي لعدد السيارات لكل عائلة، الوسط الحسابي هو مجموع البيانات مقسومًا على عدد مفرداتها، عدد مفرداتها هنا هو مديهالنا خمسة وستين عائلة، اللي هو لو جمعنا التكرار عشرة زائد خمسة وتلاتين زائد خمستاشر زائد خمسة، هنلاقي إن هم بيساووا خمسة وستين، مجموع البيانات هو عدد السيارات مضروب في التكرار، يعني هنضرب واحد في عشرة، زائد اتنين في خمسة وتلاتين، زائد تلاتة في خمستاشر، زائد أربعة في خمسة؛ علشان نوجد كل البيانات ونجمعهم على بعض، يبقى الوسط الحسابي هيساوي: واحد في عشرة، زائد اتنين في خمسة وتلاتين، زائد تلاتة في خمستاشر، زائد أربعة في خمسة، على مجموعهم اللي هو عدد المفردات اللي هو عدد العائلات اللي عندنا خمسة وستين، اللي هي العشرة زائد الخمسة وتلاتين، زائد الخمستاشر، زائد الخمسة، يبقى لما هنبسطها هتبقى: عشرة، زائد سبعين، زائد خمسة وأربعين، زائد عشرين، كل ده على خمسة وستين، هتساوي مية خمسة وأربعين على خمسة وستين، هنبسّطها، يبقى الوسط الحسابي هيساوي تسعة وعشرين على تلتاشر.

تاني جزئية في السؤال لما هنعبَّر عن البيانات بدالة التوزيع الاحتمالي للمتغير العشوائي المتقطع س، هتبقى بالجدول اللي قدامنا ده، فهيبقى في أ و ب وج و د عايزين نوجد قيمتهم، ل س لما هتساوي أ هتكون س بتساوي واحد، يعني دي احتمالية إن الـ س تساوي واحد، واللي هي بتمثل عدد السيارات، واحد اللي تكرارها عشرة، يبقى احتمالية لما تكون عدد السيارات واحد هو هيكون عدد التكرار على المجموع الكلي، اللي هو خمسة وستين؛ يبقى عشرة على خمسة وستين، هتبقى ل واحد واللي هي بتساوي الـ أ لما هنختصرها هتبقى اتنين على تلتاشر.

هنوجد ل لما تكون عدد السيارات اتنين، هتبقى خمسة وتلاتين على الخمسة وستين، اللي هي عدد التكرار هنا خمسة وتلاتين على العدد الكلي اللي هو خمسة وستين؛ يبقى دي هتساوي قيمة ب، يعني ب هتساوي سبعة على تلتاشر بعد الاختصار.

الاحتمالية للتلاتة هتساوي القيمة هنا اللي هي خمستاشر على خمسة وستين، ودي هتساوي الـ ج؛ يعني هتساوي تلاتة على تلتاشر بعد الاختصار.

ل للأربعة هتساوي الخمسة على الخمسة وستين، هتساوي الـ د؛ يعني هتساوي بعد الاختصار واحد على تلتاشر.

يبقى هي دي قيم أ و ب و ج و د المطلوبة.