فيديو: تحويل الأطوال من البوصات إلى ياردات

أكمل الآتي: ٩٠ بوصة = _ ياردة.

٠٢:١٢

‏نسخة الفيديو النصية

أكمل الآتي: تسعين بوصة تساوي، نقط، ياردة.

عاوزين نكمل السؤال اللي عندنا ده، ونعرف التسعين بوصة بتساوي كام ياردة. علشان نعرف نجاوب على السؤال ده، محتاجين نعرف الياردة فيها كام بوصة. الياردة الواحدة تساوي تلاتة قدم. والقدم الواحد بيساوي اتناشر بوصة.

يبقى علشان نحوّل من الياردة للبوصة، هنعدي على القدم في النصف الأول. فتبقى عاملة إزاي؟ هتبقى من الياردة لحد القدم بنضرب في تلاتة؛ لأن الياردة فيها تلاتة قدم. ومن القدم لحد البوصة هنضرب في اتناشر.

يبقى لو اختصرنا الطريق وقلنا إن من الياردة لحد البوصة على طول، هنضرب في تلاتة في اتناشر، اللي هي تلاتة في اتناشر. طب والتلاتة في اتناشر أصلًا بستة وتلاتين. يبقى نشيل التلاتة في اتناشر، ونضرب في ستة وتلاتين مرة واحدة على طول. يبقى كده الياردة فيها ستة وتلاتين بوصة. طيب لو عاوزين بقى نحوّل من البوصة للياردة، في عكس الاتجاه؟ نقسم. نقسم على ستة وتلاتين.

طيب نبص بقى على السؤال بتاعنا. السؤال بتاعنا مدّينا تسعين بوصة، وعاوزينهم يبقوا بالياردة. يبقى إحنا بنحوّل من البوصة للياردة. يبقى نقسم على ستة وتلاتين؛ لأننا ماشيين في الاتجاه ده. فهنعمل إيه؟ هنقسم التسعين على ستة وتلاتين. تسعين على ستة وتلاتين هتساوي خمسة على الاتنين، أو اللي هي اتنين ونص ياردة. وتبقى هي دي إجابة السؤال: خمسة على اتنين. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.