فيديو: استخدام ترتيب العمليات لإيجاد قيمة تعبيرات عددية تتضمن أعدادًا عشرية

احسب ٦٨٫٧ − ٩٫٩ ÷ ٣٫٣ − ٢٫٥.

٠٢:١٧

‏نسخة الفيديو النصية

احسب: تمنية وستين وسبعة من عشرة ناقص تسعة وتسعة من عشرة، على تلاتة وتلاتة من عشرة ناقص اتنين وخمسة من عشرة.

معطى في السؤال أعداد عشرية، وعمليات حسابية. ومطلوب إننا نحسب الناتج. هنستخدم ترتيب العمليات الحسابية عشان نجيب الناتج. أول حاجة: القوى أو الأُس. رقم اتنين: الأقواس. رقم تلاتة: الضرب والقسمة. رقم أربعة: الجمع والطرح.

لمّا هنبصّ على العمليات الحسابية اللي معطاة في السؤال، هنلاحظ إننا هنبتدي أول حاجة بالقسمة. هنحسب الأول تسعة وتسعة من عشرة، على تلاتة وتلاتة من عشرة. ولأنه حاصل ضرب تلاتة وتلاتة من عشرة في تلاتة هيساوي تسعة وتسعة من عشرة. إذن ناتج قسمة تسعة وتسعة من عشرة على تلاتة وتلاتة من عشرة، هيكون تلاتة. يعني هكتب السؤال تاني: تمنية وستين وسبعة من عشرة ناقص ناتج القسمة اللي حسبناه، وهو تلاتة، ناقص اتنين وخمسة من عشرة.

تاني خطوة هي الطرح. هنطرح أول عددين؛ تمنية وستين وسبعة من عشرة ناقص تلاتة. سبعة من عشرة ناقص صفر، يعني سبعة من عشرة. هحطّ الفصلة العشرية. تمنية ناقص تلاتة هيساوي خمسة. وستة هتنزل. يعني ناتج طرح أول عددين هو خمسة وستين وسبعة من عشرة. ناقص العدد الأخير، اتنين وخمسة من عشرة.

الخطوة رقم تلاتة هي الطرح لآخر عددين. خمسة وستين وسبعة من عشرة ناقص اتنين وخمسة من عشرة. سبعة ناقص خمسة يساوي اتنين. هحطّ الفصلة العشرية. خمسة ناقص اتنين هيساوي تلاتة. وهنزّل الستة. يعني هيساوي تلاتة وستين واتنين من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.