فيديو: فهم السيلزيوس كوحدة لقياس درجات الحرارة

يوضِّح الجدول التالي درجات الحرارة العظمى والصغرى في بعض المدن. ما المدينة التي سجلت أقل درجة حرارة؟

٠١:٢٥

‏نسخة الفيديو النصية

يوضح الجدول التالي درجات الحرارة العظمى والصغرى في بعض المدن. ما المدينة التي سجّلت أقل درجة حرارة؟

عندنا الجدول اللي قدامنا ده بيوضّح درجات الحرارة اللي اتقاست في كذا مدينة؛ أربع مدن: أ، وَ ب، وَ ج، وَ د. قِسنا فيها درجة الحرارة العظمى اللي هي بالنهار، ودرجة الحرارة الصغرى اللي هي بالليل، عاوزين نبصّ للجدول ونقراه ونفهمه كويس جدًّا، ونستنتج منه إيه هي المدينة اللي ليها أقل أو أصغر درجة حرارة.

لو جينا نبصّ عَ المدينة أ، هنلاقيها درجة الحرارة العظمى بتاعتها سبعة وعشرين درجة سلِزية، والصغرى تسعتاشر؛ أمّا ب: واحد وتلاتين، واحد وعشرين؛ ج: خمسة وتلاتين، تمنية وعشرين؛ د: تمنية وعشرين، سبعتاشر. طيب إيه أقل درجة حرارة؟ أو إيه أقل عدد موجود عندنا في الجدول؟ هنلاحظ إن أقل عدد موجود هو السبعتاشر، ما فيش عدد أقل من سبعتاشر موجود في الجدول؛ وده معناه إن المدينة اللي سجّلت أقل درجة حرارة في الجدول هي المدينة د، وتبقى الإجابة الصح اللي نختارها د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.