تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تركيب الدوال

أحمد لطفي

إذا كانت د(ﺱ) = ٣ﺱ + ٢، فأوجد ﺏ؛ بحيث ﺭ(ﺱ) = −٣ﺱ + ﺏ تُحقِّق د ∘ ﺭ = ﺭ ∘ د.

٠٢:١٣

‏نسخة الفيديو النصية

إذا كانت د س بتساوي تلاتة س زائد اتنين. فأوجد ب بحيث ر س بتساوي سالب تلاتة س زائد ب، تحقق د تركيب ر بتساوي ر تركيب د.

أول خطوة محتاجين نوجد د تركيب ر، اللي هي بتساوي د ر س؛ يعني هنكتب الدالة د س زي ما هي، ونعوّض مكان س بالدالة ر س؛ يعني هتساوي تلاتة … وهنشيل س ونكتب مكانها سالب تلاتة س، زائد ب، زائد اتنين. هنضرب تلاتة في سالب تلاتة س، وهنضرب تلاتة في ب؛ يعني هيكون عندنا سالب تسعة س زائد تلاتة ب زائد اتنين.

تاني خطوة لو عايزين نوجد ر تركيب د، يعني محتاجين نوجد ر د س؛ يعني هنكتب الدالة ر زي ما هي، ونعوّض مكان س بالدالة د س، يعني هتساوي سالب تلاتة … وهنشيل س وهنكتب مكانها تلاتة س، زائد اتنين، زائد ب؛ يعني هيساوي … هنضرب سالب تلاتة في تلاتة س، وسالب تلاتة في اتنين؛ فهيكون عندنا سالب تسعة س ناقص ستة زائد ب.

وبالتالي بما إن مُعطى إن د تركيب ر بتساوي ر تركيب د؛ يبقى عندنا د تركيب ر اللي هي بتساوي سالب تسعة س زائد تلاتة ب زائد اتنين، هيساوي ر تركيب د اللي هي بتساوي سالب تسعة س ناقص ستة زائد ب. عشان نقدر نوجد قيمة ب، أول خطوة هنجمع تسعة س عَ الطرفين، فهيكون عندنا تلاتة ب زائد اتنين بيساوي سالب ستة زائد ب. تاني خطوة هنطرح ب من الطرفين فهيكون عندنا اتنين ب زائد اتنين بيساوي سالب ستة، هنطرح اتنين من الطرفين، فهيكون عندنا اتنين ب بيساوي سالب تمنية. هنقسم الطرفين على اتنين، فهيكون عندنا ب بتساوي سالب أربعة؛ ويبقى كده قدرنا نوجد قيمة ب، وكانت بتساوي سالب أربعة.