تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قياس القوس في دائرة بمعلومية قياسات الأقواس الأخرى بحل المعادلات الخطية

سوزان فائق

إذا كان أب قطرًا في الدائرة م والقوس أﺟ/القوس دب = ٦٧/٨٥، فأوجد ق القوس أﺟد.

٠٢:٥٤

‏نسخة الفيديو النصية

إذا كان أ ب قطرًا في الدائرة م، والقوس أ ﺟ على القوس د ب بيساوي خمسة وتمانين على سبعة وستين، فاوجد قياس القوس أ ﺟ د.

هنا معطى النسبة ما بين القوس أ ﺟ إلى د ب بتساوي خمسة وتمانين إلى سبعة وستين. ومعطى قياس الزاوية ﺟ م د، اللي هي تمنية وعشرين. ودي بتساوي قياس القوس ﺟ د؛ لأن دي زاوية مركزية، فبتساوي قياس القوس المقابل لها. يبقى قياس القوس ﺟ د هيساوي تمنية وعشرين درجة.

وبما أن أ ب قطرًا في الدائرة، يبقى بيقسم الدايرة لقوسين متساويين في الطول، كل واحد فيهم يساوي مية وتمانين درجة. فقياس القوس أ ﺟ ب هيساوي مية وتمانين درجة.

وإحنا عارفين قيمة القوس ﺟ د، اللي هو تمنية وعشرين درجة. يبقى قياس القوس أ ﺟ زائد قياس القوس د ب هيساوي المية وتمانين درجة ناقص التمنية وعشرين درجة بتوع قياس القوس ﺟ د. هتساوي مية اتنين وخمسين درجة. وفيه علاقة ما بين قياس القوس أ ﺟ، وقياس القوس د ب، اللي هي خمسة وتمانين على سبعة وستين. يبقى ممكن نقول إن أ ﺟ في سبعة وستين على خمسة وتمانين، هتساوي الـ د ب. يعني نودّي دي هنا في الطرف ده، ونقلب ده نضربه في الـ أ ﺟ.

يبقى هنعوّض مكان قياس القوس د ب، بالقيمة اللي هي سبعة وستين على خمسة وتمانين، مضروبة في القوس أ ﺟ. يبقى أ ﺟ اللي هو قياس القوس أ ﺟ؛ زائد سبعة وستين على خمسة وتمانين، مضروبة في أ ﺟ اللي هو القوس أ ﺟ، هيساوي مية اتنين وخمسين درجة. يبقى مية اتنين وخمسين على خمسة وتمانين أ ﺟ، اللي هو قياس القوس أ ﺟ، هيساوي مية اتنين وخمسين درجة. يبقى أ ﺟ هيساوي مية اتنين وخمسين درجة في، خمسة وتمانين على مية اتنين وخمسين، هيساوي خمسة وتمانين درجة.

يبقى القوس أ ﺟ ده خمسة وتمانين درجة، زي قياس الزاوية المركزية المقابلة له. بكده نقدر نوجد قياس القوس أ ﺟ د، وهو قياس القوسين أ ﺟ زائد ﺟ د. يبقى هيساوي خمسة وتمانين زائد تمنية وعشرين، يعني هيساوي مية وتلتاشر درجة.