فيديو: إيجاد محيط مستطيل بمعلومية أبعاده

ما عدد بوصات الخشب اللازمة لعمل إطار لصورة مقاسها ١٦ في ٢٦ بوصة؟

٠١:٢٦

‏نسخة الفيديو النصية

ما عدد بوصات الخشب اللازمة لعمل إطار لصورة مقاسها ستاشر في ستة وعشرين بوصة.

يعني محتاجين كام بوصة من الخشب علشان نعمل إطار أو برواز لصورة مقاسها ستاشر في ستة وعشرين بوصة؟ هنعتبر إن دي الصورة اللي على شكل مستطيل ومقاسها ستاشر في ستة وعشرين بوصة. هنعتبر إن دي الصورة اللي عايزين نعمل لها برواز زي البرواز ده. أكيد مقاس البرواز هيكون نفس مقاس الصورة؛ ستاشر بوصة للضلع الصغير في ستة وعشرين بوصة للضلع الكبير.

عرفنا من هنا إن الصورة والبرواز على شكل مستطيل؛ ستاشر في ستة وعشرين بوصة. الإطار الخارجي لأي شكل هو محيط الشكل؛ يبقى محيط الإطار ده، اللي على شكل مستطيل، نقدر نجيبه من القانون ده: محيط المستطيل بيساوي الطول زائد العرض، الكل في اتنين.

نعوّض في القانون: محيط المستطيل بيساوي … الطول ستة وعشرين بوصة، زائد … العرض ستاشر بوصة، الكل في اتنين. محيط المستطيل بيساوي … ستة وعشرين زائد ستاشر باتنين وأربعين، في اتنين؛ بيساوي أربعة وتمانين بوصة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.