فيديو السؤال: إيجاد إحداثيات نقطة بعد الانعكاس الرياضيات

نسخة الفيديو النصية

ما صورة أ بالانعكاس في محور الصادات؟

عايزين نجيب صورة النقطة أ بعد انعكاسها في محور الصادات. بُعد الصورة عن محور الانعكاس بيساوي بُعد الأصل عن محور الانعكاس. علشان نجيب إحداثيات النقطة أ، هننزل عموديًّا على محور السينات، هنلاقي الإحداثي السيني بتاعها: اتنين. وعموديًّا على محور الصادات، هنلاقي الإحداثي الصادي بتاعها: أربعة. هيبقى النقطة أ هي نقطة: اتنين، وأربعة. والمسافة اللي بتبعدها هذه النقطة عن محور الصادات بتساوي اتنين، أو وحدتين طول.

وطالما بُعد الصورة عن محور الانعكاس بيساوي بُعد الأصل عن محور الانعكاس. يبقى الصورة، اللي هي النقطة أ شرطة، هتبعد عن محور الانعكاس بمقدار اتنين. هنتحرّك بعيد عن محور الانعكاس بمقدار وحدتين طول، هنلاقي النقطة أ شرطة.

هتبقى هي دي النقطة أ شرطة. هنقرا الإحداثيات بتاعتها؛ هننزل عموديًّا على محور السينات، هنلاقي الإحداثي السيني بتاعها هو: سالب اتنين. وعموديًّا على محور الصادات، هنلاقي الإحداثي الصادي بتاعها: أربعة. وهتبقى صورة النقطة أ بالانعكاس في محور الصادات، النقطة أ شرطة: سالب اتنين، وأربعة.