نسخة الفيديو النصية
أوجد مساحة المربع الذي محيطه ستة وتلاتين سنتيمتر.
محيط أي شكل هو مجموع أطوال أضلاعه. أما المربع فعشان حالة خاصة، الأطوال بتاعة الأضلاع كلها متساوية؛ فبنقدر نحسب المحيط بإن هو حاصل ضرب طول الضلع في أربعة.
يبقى لو عندى مربع محيطه ستة وتلاتين سنتيمتر، وعايزين نعرف طول ضلعه قد إيه. هنخلّي طول الضلع هو المجهول، ونضرب في أربعة. كده نقدر نوجد طول ضلع المربع بإننا نقسم المحيط على أربعة. فكده قدرنا نوجد طول ضلع المربع.
إحنا المطلوب مننا إننا نحسب مساحة المربع. العلاقة اللي بنحسب منها مساحة المربع، هي إن المساحة بتبقى حاصل ضرب طول الضلع في نفسه. أو طول الضلع تربيع؛ يعني مربع طول الضلع.
فنقدر نقول إن مساحة المربع هتبقى… عندنا طول الضلع بتسعة؛ يبقى تسعة في تسعة. حاصل ضربهم واحد وتمانين سنتيمتر مربع. يبقى حاصل ضربهم هو ده اللي بيمثّل مساحة المربع، اللي هي هتبقى واحد وتمانين سنتيمتر مربع.
