فيديو: الأنماط العددية التي تحتوي على أعداد صحيحة

اكتب الحدود الثلاثة المتتالية في المتتابعة: −٢، −١، ٠، _، _، _.

٠١:٥٨

‏نسخة الفيديو النصية

اكتب الحدود الثلاثة المتتالية في المتتابعة: سالب اتنين، وسالب واحد، وصفر، ونقط، ونقط، ونقط.

علشان نعرف نحلّ السؤال ده، محتاجين في الأول نفتكر إيه هي الأعداد الصحيحة. الأعداد الصحيحة بتتكوّن من أعداد صحيحة موجبة أكبر من الصفر وأعداد صحيحة سالبة أصغر من الصفر، بالإضافة إلى الصفر. وتمثيلهم على خطّ الأعداد بيكون في المنتصف موجود الصفر. وعلى يمين الصفر الأعداد الصحيحة الموجبة الأكبر من الصفر. وعلى شمال الصفر الأعداد الصحيحة السالبة الأصغر من الصفر.

معطى عندنا في السؤال الأعداد: سالب اتنين، وسالب واحد، وصفر في المتتابعة. ومطلوب منّنا نعرف إيه همّ الأعداد أو الحدود الثلاثة المتتالية في المتتابعة. على خطّ الأعداد، ده العدد سالب اتنين، وده العدد سالب واحد، وده العدد صفر. وبما أن الصفر أكبر من السالب واحد بمقدار واحد، والسالب واحد أكبر من السالب اتنين بمقدار واحد. فنقدر نستنتج من هنا إن علشان نوصل من السالب اتنين للسالب واحد فمحتاجين نزوّد واحد. وعلشان نوصل من السالب واحد للصفر برضو محتاجين نزوّد واحد. وبكده نقدر نستنتج إن عند زيادة واحد على أيّ عدد في المتتابعة نقدر نعرف العدد اللي بعده.

يعني لو زوّدنا واحد على الصفر هنلاقي إن العدد اللي هييجي بعد الصفر هو العدد واحد. ولو زوّدنا واحد على العدد واحد هنلاقي إن العدد اللي بعد الواحد هو الاتنين. ولو زوّدنا واحد على الاتنين هنلاقي إن العدد ده هو التلاتة.

وبكده قدرنا نعرف إن الحدود الثلاثة المتتالية في المتتابعة همّ الأعداد: واحد، واتنين، وتلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.