فيديو: تكوين العدد ١٠ باستخدام ١٠ أُطر

أوجد طريقة واحدة لتكوين العدد ١٠ من هذه الأعداد.

٠٤:٣٥

‏نسخة الفيديو النصية

أوجد طريقة واحدة لتكوين العدد عشرة من هذه الأعداد.

عندنا الأعداد اللي قدامنا: أربعة، واتنين، وخمسة، وتمنية. وعاوزين نختار طريقة واحدة بس، ناخد فيها عددين اتنين من دول، نجمعهم، ويبقى ناتج جمعهم عشرة. أول حاجة هنجرّبها، هي إننا نجمع الأربعة مع الاتنين، فنقول أربعة زائد اتنين. وبعدها الأربعة مع الخمسة، فنقول أربعة زائد خمسة. وبعدها الأربعة مع التمنية، فنقول أربعة زائد تمنية. كده هنكون جمّعنا الأربعة على التلات أعداد التانيين؛ الاتنين، والخمسة، والتمنية.

بعدين نجرب الاتنين. نجمع الاتنين مع الخمسة، يبقى هنشوف اتنين زائد خمسة تنفع ولّا لأ. ونجمع الاتنين مع التمنية، ونشوف برضو اتنين زائد تمنية تنفع ولّا لأ. وطبعًا مش هناخد الاتنين مع الأربعة؛ لأننا خدناها مرة، اللي هي أربعة زائد اتنين. كده إحنا جمّعنا الأربعة على كل الأعداد، والاتنين على كل الأعداد.

نيجي للخمسة. مش هنجمع الخمسة مع الاتنين؛ لأنها قلناها مرة هنا. ولا هنجمع الخمسة مع الأربعة؛ لأننا قلناها مرة هنا. بس هنجمع الخمسة مع التمنية، دي اللي إحنا ما قُلناهاش. بس كده، دي كل محاولات الجمع اللي عندنا. هنجرّبهم بقى، ونشوف مين فيهم اللي ناتج جمعهم هيكون عشرة.

فنبدأ أول حاجة بأربعة زائد اتنين. آدي الأربعة، وآدي الاتنين. هو إحنا لو جمعناهم على بعضهم، هيبقى الناتج عشرة؟ ده الأربعة أهي، هنزوّد عليها اتنين. يعني مثلًا هنملا المربع ده، والمربع ده. هم دول الاتنين اللي زادوا. لسه فيه مربعات فاضية في إطار العشرة. فده معناه إن أربعة زائد اتنين مش صح.

طيب نشوف كده أربعة زائد خمسة. الأربعة أهي، هنضيف عليهم الخمسة، اللي هم الخمسة اللي فوق دول، هنا كده. واحد، اتنين، تلاتة، أربعة، خمسة. اتبقّى لنا المربع ده فاضي، ما فيهوش حاجة. يبقى كده إحنا برضو ما كمّلناش بيهم عشرة. فبرضو الأربعة والخمسة مش هم اللي صح.

طيب نشوف الأربعة والتمنية. التمنية أهي، عاوزين نضيف عليها الأربعة. إذا كان التمنية أصلًا ما فيهاش غير مربعين اتنين بس هم اللي فاضيين. هنملاهم، وهيتبقّى لنا مربعين برّه. يعني ده معناه إن هو إطار عشرة كامل، ومعاه مربعين برّه. يعني اتناشر. تمنية زائد أربعة، اتناشر مش عشرة. فتبقى برضو هي اختيار مش صح. فنستبعد الأربعة والتمنية، ما يِدّوناش عشرة، يِدّونا اتناشر.

طيب نشوف الاتنين مع الخمسة. آدي الاتنين أهي، وآدي الخمسة. الخمسة دي هنزوّد لها الاتنين. فهنحطّ واحد هنا، وواحد هنا. ما كملش إطار العشرة، لسه فيه تلاتة هنا ما اتحطّش فيهم حاجة. فده معناه إن برضو الاتنين والخمسة مش بيِدّونا عشرة. إحنا عاوزين عشرة، يعني الإطار كله مليان على آخره، وما فيش باقي برّه. فالاتنين والخمسة مش بيحقّقوا ده.

طيب نشوف كده الخمسة والتمنية؟ آدي الخمسة، وآدي التمنية. التمنية أهي، ما عندهاش فاضي غير مكانين اتنين بس. آدي مكان، وآدي التاني. طب باقي الخمسة هيروح فين؟ ده فيه لسه تلاتة، باقيين من الخمسة. يبقى إحنا كده مَلينا إطار العشرة، وفيه تلاتة باقيين. يعني خمسة وتمنية، تلتاشر مش عشرة. فيبقى برضو الخمسة والتمنية مش هم الإجابة الصح. إحنا عاوزين عددين، نجمعهم، يبقى ناتج جمعهم عشرة. يملوا إطار واحد، وما يتبقّاش أيّ حاجة برّه.

طيب نشوف كده آخر محاولة، اللي هي الاتنين والتمنية. آدي الاتنين، وآدي التمنية. نيجي عند التمنية، عندك كام مكان فاضي يا تمنية؟ عندي مكانين. طب وأنا هنا عندي كام مربع؟ مربعين. يبقى أمّا أملا هنا واحد واتنين، كده إطار العشرة اتملى على آخره. ويبقى اتنين زائد تمنية، فعلًا بيساوي عشرة. وتبقى الطريقة الواحدة، اللي ممكن نكوّن بيها العدد عشرة من الأربع أعداد اللي قدامنا دول، هي إننا نضيف الاتنين مع التمنية. فيبقى العددين اللي نختارهم: اتنين وتمنية. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.