تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام صيغة «صباحًا» أو «مساءً» لوصف زمن وقوع حدثٍ ما

أماني يوسف

تحتفظ ياسمين بسجل لأنشطتها اليومية. تسجل ياسمين ما تفعله في الصباح والمساء. تتناول ياسمين طعام الغداء في تمام الساعة الوحدة ظهرًا. هل يجب عليها أن تسجل ذلك النشاط صباحًا أم مساءً؟

٠١:٥٥

‏نسخة الفيديو النصية

تحتفظ ياسمين بسجل لأنشطتها اليومية. تسجل ياسمين ما تفعله في الصباح والمساء. تتناول ياسمين طعام الغداء في تمام الساعة الواحدة ظهرًا. هل يجب عليها أن تسجل ذلك النشاط صباحًا أم مساءً؟

فيه بنت اسمها ياسمين بتسجل كل حاجة بتعملها طول اليوم في الشكل اللي قدامنا ده. قسّمته إزاي؟ قسّمته لنصين. نص صباحًا اللي هو الجزء الأحمر. ونص مساءً اللي هو الجزء الأخضر.

يعني هي في الصباح بتستيقظ أو بتقوم من النوم، وبتذاكر رياضيات. وبعدين في الجزء المساء بقى. بتمشي من المدرسة أو بتروح منها. وبعدين بتتناول العشاء.

السؤال عندنا بقى بيقول لنا نشاط زيادة. إيه هو؟ طعام الغداء. طيب هي ياسمين بتاكل طعام الغداء بتاعها إمتى؟ الساعة الواحدة ظهرًا. طب هي فين فترة الظهيرة؟ آدي فترة الظهيرة أهي. اللي هي الساعة اتناشر الضهر. لمّا نقول إن هي بتاكل غداها الساعة واحدة الضهر؛ يعني بعد اتناشر ولا قبل اتناشر؟ بعد اتناشر. يعني تقريبًا هتكون في الجزء ده. هو ده الجزء اللي هي أو الوقت اللي هي بتاكل فيه طعام الغداء بتاعها.

طب السؤال عندنا بقى: نسجل طعام الغداء ده في فترة الصباح ولا في فترة المساء؟ ده هو موجود في الجزء الأخضر. يبقى يُسجَّل مساءً؛ لأنه بعد الضهر. يبقى أي حاجة بتحصل بعد الضهر، بتحصل في التوقيت المسائي. فالإجابة هتكون مساءً.